APPELLATORES, Fures, Anglis. Articuli Cleri Anglicani, oblati Edwardo II. Regi ann. 1316. cap. 10 :

Placet etiam domino Regi, ut latrones et Appellatores, quandocumque voluerint, possint Sacerdotibus sua facinora confiteri.

Thom. Walsing. in Richard. II. pag. 288 :

Captas nempe mulieres in prisona, quæ vocatur Dolium, incarcerarunt. Postremo perductas ad conspectum publicum descissa cæsarie, ad modum furum. quos Appellatores dicimus, circumduci fecerunt.

Generaliter autem Appellatores et Approbatores, Angli vocant eos, qui crimen aliquod, seu feloniam, commisere, eamque ultro confessi, criminis socios ad judicem appellant, vel approbant, id est, deferunt. Vide Probatores.