APPRÆSENTARE, Coram adesse, coram judice sistere, tradere, exhibere, Gall. Présenter, Ital. etiam Appresentare et Hisp. Apresentar, eadem notione. Placit. ann. 1105. apud Murator. tom. 1. Antiq. Ital. med. ævi col. 966 :

Et si aliquis homo est, qui exinde agere aut causare vult, parato sum is vestris præsentiis cum standum et legitime finiendum. Et quod ibi nemo se Apresentasset, etc.

Stat. Cadubrii lib. 1. cap. 11.

Et quod quilibet officialis teneatur et debeat per unum mensem, ante completum officium dom. vicarii, Appræsentare sibi dom. vicario dictum suum quaternum

. Et lib. 3. cap. 62 :

Teneantur et debeant homines et commune ipsius villæ seu contractæ malefactorem seu malefactores capere et Appræsentare domino vicario.

Vide supra Adpræsentare.