« »
 
[]« Appruare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 334a. http://ducange.enc.sorbonne.fr/APPRUARE
APPRUARE, vel Approvare sibi, vel se de re aliqua ; hac frui et uti ad sua commoda et suas necessitates ; quasi in provandam, seu præbendam sibi asserere, vel (forte) sibi appropriare. Fleta lib. 2. cap. 37. § 19 :
Nulli Ballivo sit vile, si de rebus domini dominam possit Appruare, ut de suis ordeis braseum, de lanis pannum, de linis telas et hujusmodi fieri, vel si equum, pullum, vel palafredum de furfure, fabisque educi, faciatque nutriri, etc.
ubi Appruare, est commodum domini facere de prædiorum exitibus, faire le profit du maistre. Hinc Apruare terram pro Accurare, Gall. la faire valoir, ut fructus domino ferat, cujus exemplum habetur in Faldare.
Approvamenta, Approviamenta, Emolumenta et fructus, qui ex prædiis proveniunt, Gallis Profits. Olim Approuvandement, ut legitur in Consuetud. Hannoniensi cap. 40. Thomas Walsinghamus pag. 57 :
Posueruntque custodes, qui medio tempore exitus et Approviamenta terræ ad opus illorum, quorum intererat, custodirent.
Ita in Monastico Anglic. tom. 2. pag. 133. 607. 608. 632.
Appruator, Qui domini commodis invigilat, et ejus reditus et commoda percipit et auget. Fleta lib. 2. cap. 76. § 1 :
Præpositus autem tanquam Appruator et cultor optimus, per villatam electus, etc.
Cap. 82. § 2 :
Nullus Præposisitus ultra unum annum remaneat irremotus, nisi pro fideli ac optimo Appruatore, etc.
Appruare, Propria significatione, uti est apud Rastallum, dicitur, cum qui Communiam habet in vasto terræ domini, et dominus partem vasti terræ includit ad suum commodum, relicta participibus sufficienti Communia ad egressum et regressum. Statutum Westmonasteriense 2. cap. 50 :
Domini vastorum, boscorum, et pasturarum, Appruare se possunt de vastis et pasturis illis, non obstante contradictione tenentium suorum, dummodo tenentes ipsi haberent sufficientem pasturam ad tenementa sua, cum libero ingressu et egressu ad eadem.
Infra :
Ita quod domini hujusmodi vastorum, boscorum, et pasturarum, salva sufficienti pastura hominibus suis, Approvare sibi possint de residuo.
Ubi Approvare, exponitur in Statuto Mertonensi cap. 4 :
Commodum suum facere.
Monasticum Angl. tom. 1. cap. 781 :
Scilicet a terra de Hiltone per viam Regiam, et sciendum, quod bene liceat prædicto Waltero Appruare sibi et suis infra dictas divisas, [] ita tamen quod iidem Abbas et conventus habeant liberum et largum ingressum et regressum, et sufficientem pasturam ad 300. oves.
Radulfus de Hengham in Parva cap. 7. ait, disseisinam fieri,
cum manuopus alicujus impeditur per superfluosam, et hoc in tenemento diu ante Appruato, vel de tenemento de novo Appruando, verbi gratia, si quis vastum suum non prius Appruatum redigat in culturam, etc
. Vide Guillelm. Prynneum in Libertatib. Eccl. Angl. tom. 3. pag. 174.
© École des chartes.