◊ Lubens legerem Arquis ; sunt enim Archi Ottoni Morenæ iidem qui Sagittarii seu Arcatores, ut dicetur in hac voce : jam vero fuisse Archos, qui Colibertis inter homines alicujus domini adjungi potuerint, plane conficitur ex Archeria 2. quæ species est feudi servientis, ut a Cl. Cangio exponitur, quod qui possidet, arcum habere pro servitio domini, vel Archeriam castri illius servare tenetur ; atque etiam ex Archeria 3. quæ Dombensibus rustica domus est a colono, qui Archus dici potuit, habitata. f. per compendium scriptum pro aquisitionibus.