ARALIA, Glossarium mediae et infimae latinitatis, Du Cange et al.

« Aralia » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 350b. http://ducange.enc.sorbonne.fr/ARALIA

ARALIA, Arale, Aralis. Domesdei tit. de Essexia :

Silva 20. porc. 10. acr. prati, 2. runcal, 4. Aralia, 23. porc. 50. oves, 24. capones, 2. vasa apis.

Ubi Aralia videntur esse agri ad arationem idonei, cui opponuntur runcalia, id est, agri sentibus obsiti. Charta anni 926. apud Martenium tom. 1. Ampliss. Collect. col. 281 :

De parte Franconis et Humberti mansos V. et jugera IIII. in villa quæ dicitur Brola, et arale unum in villa quæ dicitur Cardonis, cum suis appendiciis.

Et col. 282. B :

Dederunt itaque præfati viri... mansos quinque et insuper IIII. jugera.... et Arales III. cum eorum appendiciis.

Vide Araturia terra et Aral.

P. Carpentier, 1766.

◊ Araules, nostris olim, eadem acception. Charta ann. 1317. ex Chartul. 21. Corb. :

Avons vendu... toute la terre, que nous aviemes et poiesmes avoir à Belle, .... soit en cens, en rentes, en terres Araules.