ARBORETA, ut Arboretum, Hispan. Arbodela, Locus arboribus consitus, nostris olim Arboie et Arbriere. Charta Joan. ducis Bituric. ann. 1402. in Reg. Chart. ejusd. ex Cam. Comput. Paris. fol. 186. v° :

Donamus.... quoddam salicium seu Arboretam et Arboriatam in dicta parrochia S. Privati existentes.

Haud facilis est distinctio Arboretæ et Arboriatæ ; nisi una sit series arborum ordinatim, altera vero sine ordine dispositarum, qua ratione etiam distingui posse videntur voces Gallicæ Arboie et Arbriere. Poemata reg. Navar. cant. 41. tom. 2. pag. 95 :

Parmi cele Arboie,

Cil oiselon s'envoisent,

Et mainent grant baudor.

Lit. remiss. ann. 1457. in Reg. 187. Chartoph. reg. ch. 33 :

Le suppliant trouva en unes burletes quatre escus d'or, lesquelz il enterra au pié d'un chesne en l'Arbriere ou haye de bois de Pousiniere, près dudit lieu de S. Michau.

Vide infra Arbuta. Huc etiam spectare existimo vocem Arbroys, in Ordinat. ann. 1402. ex Cod. reg. 9849. 4. fol. 4. r° :

Et aussi que l'en ne batte aux arches, ne aux gors, ne aux Arbroys.

Ubi significari videntur dumeta, quæ ad ripam fluminis ut plurimum exstant. Neque vero me fugit hæc aliter edita esse tom. 8. Ordinat. reg. Franc. pag. 535. sed potior mihi visa est lectio Codicis regii. Arbruissel diminut. pro Arbrisseau, arbuscula, in Lit. remiss. ann. 1380. ex Reg. 116. ch. 235 :

Ilz coperent d'un coustel un Arbruissel.