ARBUSTARITIÆ, Exactionis species. Charta Arnolfi Regis, ann. 894. apud Puricellum in Monument. Basilicæ Ambrosianæ pag. 264 :

Nec ullas publicas functiones, aut redhibitiones vel inlicitas occasiones, aut illas, quas Arbustaritias vocant, ex rebus jam dicti Monasterii.... exigere audeat.

Alia Ludovici Imp. ann. 901. apud Cælestinum et Ughellum in Episcopis Bergomensib. :

Nec ullas publicas Arbustaritias, aut redhibitiones, vel illicitas occasiones, sive angarias super imponere audeat : et quia ipsi nostri dilecti fideles nostræ innotuerunt mansuetudini, quod ab ipsius Ecclesiæ pertinentibus, quædam venationes, Arbustaritiæque injustæ et contra omnes leges.... exquirantur, etc.

Nos dicimus Arabuster, vel Tarabuster quelqu'un, pro vexare, metaphora ducta ab arbustis, seu sentibus, quæ itinerantium pedes intricant. Vide mox Arbusteritia.