1. ARCHERIA, Fenestricula oblongior et strictior in urbium et castrorum muris, per quam sagittarii, vel balistarii sagittas suas aut tela in obsidentes emittebant. Willelm. Brito lib. 1. Philipp. :

  ..... Muros

Subtus fulciri facit, aptarique fenestras,

Strictas et longas, ut strenuus arte latenti

Immittat lethi prænuntia tela satelles.

Gesta Lud. VII. Regis Francor. cap. 21 :

In limitibus strictis murorum ambitu interclusis, erant Turci, qui per fenestriculas longas et strictas, quas Archerias vocant, nostros lanceis et sagittis infestabant.

Charta ann. 1239. in Tabul. Comitat. Montisfortis :

Assecuravimus D. Comiti Montisfortis contra omnes gentes... tali modo, quod non possumus habere in eodem castro Archeriam, nec arbalisteriam, nec cernelium, (Creneau) neque scutum.

Vetus Interpres MS. Willelmi Tyrii lib. 4. cap. 13 :

Cil de la Ville regardoient par les Archieres et par les hourdeis la contenance de l'ost.

Et lib. 5. cap. 20 : Per cancellos murorum, sic vertit, par les Archieres. Le Roman du Renard. MS. :

Les Archieres sont à quarniax,

Par ou il traient les quarriax

A domager la gent le Roi.

Provincial. Arquiera. Vide Raynouard. Lexic. Roman. vol. 1. pag. 112. in voce Arc. Τοξιϰή, Harmenopulo lib. 2. tit. 4. § 47. 48. 49. 87. Τοξιϰὴ φωταγωγός, Constantino de Adm. Imp. cap. 29. Τοξιϰὴ θυρίς apud Hieronymum et Symmacho Comm. in Ezech. 40. Ita enim hunc locum capiendum censet Fullerus lib. 6. Miscell. sacr. cap. 13. Vide Thomasserium Consuetud. Bituric. pag. 431. Cujacium lib. 13. Observ. cap. 30. et Glossarium med. Græcit. in Τοξιϰή.