ARCHILEVITA, Archidiaconus, dignitas Ecclesiastica. Goffridus Vindoc. lib. 2. epist. 17 :

De domno Archidiacono, etc.

Et mox : Gloriosus vester Archilevita. Petrus Pictaviensis in Epitaphio Gelasii II. PP.

Cum prius ex Monacho pro multa strenuitate

Archilevita foret et Cancellarius urbis.

Vita S. Boniti Episc. Claromont. cap. 4 : Cantinus Archileviticæ minister. Prudentius lib. περὶ στεφάνων, in S. Laurentio Archilevita :

Hic primus e septem viris,

Qui stant ad aram proximi,

Levita sublimis gradu,

Et ceteris præstantior

Claustris sacrorum præerat,

Cælestia arcanum domus,

Fidis gubernans clavibus,

Votasque dispensans opes.

Occurrit passim. Adde Innocent. Ciron. in Parat. Decret. pag. 70. Vide Levita.