ARCUARE, Glossarium mediae et infimae latinitatis, Du Cange et al.

« Arcuare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 372c. http://ducange.enc.sorbonne.fr/ARCUARE

ARCUARE, Arcum tendere. Charta

Henrici de Soliaco ann. 1240. apud Duchesnium in Probat. Hist. Drocensis pag. 274 :

Et Aanor Comitissa uxor nostra poterit similiter venari in dictis forestis, et Arcuare, vel (ad) mandatum ejus, quandocunque voluerit.

Infra :

Poterimus ibi venari et Arcuare per nos et per nostros, quandocunque voluerimus.

les Bénédictins de St. Maur, 1733–1736.

◊ Præter venationem hanc, quæ fit arcu et sagittis, alia species est rusticis silvarum vicinis etiamnum in usu. Exercetur autem arcuando seu in arcum curvando arborum ramos aliquot, quorum extremæ partes cum pedicis laqueisque junctis in foramen immittuntur retinenturque labili clavo, cui si avis illicio adducta forsan insideat, decidit statim, laxatur arcus ipsaque collo pedibusve capitur. Hujusmodi arcus figuram hic habes descriptam. Quam ut omnibus notam omisimus.

P. Carpentier, 1766.

◊ Arcu venari. Inquisitio forestæ de Reste in Reg. 34. bis Chartoph. reg. part. 2. 4 : fol. 94 r°. col. 26 :

Comes Flandriæ Philippus tenebat in prisonia de turre de Vivers Rogerum Macrum militem, qui captus fuerat Arcuando ad opus comitis Suessionensis, sine licentia.

Nostris Archéer et Arcoier, eadem acceptione. Charta ann. 1308. in Reg. 45. ch. 24 :

Puent leur veneurs porter ars et saietes,.... et se ledit Colart ou ses gens trouvoient.... autres qui cachassent ou Archeassent ou menassent quiens (chiens),... eus les puent prandre et randre à justice.

Le Roman d'Alexandre part. 2. MS. :

Quant nous fumes au bois Arcoier et joier,
Nous ne savions mot de vostre behourder.

P. Carpentier, 1766.

◊ Unde Archerie, Ipsa venatio, præda venatica, vulgo Gibier, in Terrear. Castel. ad Sequanam ex Cod. reg. 9898. 2 :

Charbon, brese, boys pour ardoir, blef, curtillaiges, fromaiges qui sont en paniers, poullaille, Archerie, bestes quelconques, ne doivent place ne estaul.

les Bénédictins de St. Maur, 1733–1736.

Arcuare Rebecam, Barbitum plectro tangere, Gall. Toucher le Rebec avec l'archet. Est autem Rebeca imperfecta minorum fidium species. Aimericus de Peyrato Abbas Moisiacensis, in Vita Caroli Magni ex codice 1343. Biblioth. Regiæ :

Quidam liram et tibiam properabant,
Alios tactu præcedentes,
Quidam harpam alte pulsabant,
Prolixas virgula sic gerentes.
Quidam Rebecam Arcuabant
Muliebrem vocem confingentes.