1. AREA, Arealis, etc. Gloss. Græc. Lat. σχολάζων τόπος, Area, ager, aut locus qui nec colitur nec aratur. Chronic. Laurisham. :

Duas huobas cum Area in Winenheim sitas, multa pecunia ab hæredibus comparatas.

Tradit. Fuldens. lib. 1. trad. 81 :

Unam Aream habentem in longit. virgas 24. etc. cum omni ædificio.

Lib. 3. trad. 34 :

Tres Areas cum totidem domibus.

Trad. 43 :

Area, in qua Ecclesia stat... 25. jugera Arearum, pratorum vero 10.

Miracula S. Ludgeri Episc. Mimigardensis :

Aream quandam comparavit, et Ecclesiæ a S. Ludgero construendæ assignavit.

Chartularium Capituli Ambian. de Juribus Canonicorum in villa de Camons :

In eadem villa sunt sexaginta et una Area. De singulis Areis in Nativitate Domini persolvuntur decem denarii, Canonicis septem, et tres duobus Majoribus. Areæ autem non excedere debent mensuram viginti quinque virgarum.

Adde Vitam B. Mariani Abbat. Ratispon. n. 16. Relationem Adelberti Abbatis Heindenheimensis pag. 352. 356. Probationes Historiæ Brecensis pag. 5. Castrivillanæ pag. 5. etc. Vide Forcellin. Lexic. et Marin. in Pap. Diplom. num. 123. not. 2. pag. 365.