ARRAHENES, Arrehenes, Arrehenati, Obsides, ut puto, Gall. Otages, forte sic dicti quod sint veluti arrha rei alicujus faciendæ. Oratio Petri Ferdinandi Vacecapitis, Regis Castellæ legati ad Ludovicum Ducem Andegavensem ann. 1378. apud Marten. tom. 1. Collect. Ampliss. col. 1503 :

Propter quod frater vester dominus Rex Castellæ volens locum pandere bono pacis, misit domino Infanti prædicto certa capitula continentia modos rationabiles non incertos de Arrehenibus aliquibus certorum castrorum, eidem domino Infanti nepoti vestro per Regem Navarræ celeriter conferendis, ut Franciæ et Castellæ Reges illustrissimi fratres vestri, ac vos de ipso et ejus sagacitatibus essetis indubiæ securati. Post quæ nepos vester et dominus noster Infans juxta civitatem Pampilonensem longo tempore moram traxit, guerram indesinenter exercens, et prædictos Arrehenes castrum sibi dari.... si dominus Infans guerram dimitteret... incœptam, daret ei integraliter Arrahenes.

Et col. seq. :

In certitudinem rei cujus Arrehenatos ejusdem villæ omnes meliores et notabiliores homines jam tenebat.