ARRAMARE, Ex ramis arborum tecta concinnare, ubi animalia quæ ex jure in silvis depascuntur, quiescere possint. Charta ann. 1341. in Reg. 72. Chartoph. reg. ch. 250 :

Cum contra sindicos universitatis et singulares castri et bajuliæ de Angulis.... denuntiatum fuisset.... animalia sua.... grossa et minuta per plures et diversos annos.... in his baugiis et nemoribus regiis ipsius bajuliæ.... immisisse, armasse causa depascendi, abevrandi, Arramandi, et aliter de die et nocte explectandi.

Alia ejusd. ann. ibid. ch. 368 :

Prædicti consules et tota universitas (S. Amancii) in herbagiis, nemoribus et aquis regiis animalia sua immiserant... de die et de nocte causa depascendi, Arramandi, etc.

Alia ejusd. ann. in Reg. 74. ch. 580 :

Abbas et conventus Vallismagnæ habent jus in dictis nemoribus et herbagiis.... animalia sua grossa et minuta immittendi, tenendi, Arramandi, noturnandi, lignandi, et aliter explectandi in eisdem.

Alia tandem ejusd. ann. in Reg. 80. ch. 466 :

Quod homines castri sive loci de Cabrayrolis.... animalia sua grossa et minuta.... causa depascendi, abevrandi, Arramandi, et aliter explectandi.... tenuerant in herbagiis ;.... cambanas etiam et cortalia pro pastoribus et animalibus suis inde fecerant et construxerant.

Vide Ramagium. Arramare, alia notione, exstat in Adramire.