ARRAMENTA Resumere, Ad calculos reverti, Gall. Reprendre les derniers erremens d'une cause. Id est, eo litis reverti, ubi desitum est. Hist. Harcur. tom. 4. pag. 1647. ex Regesto Parlamenti :

Qui ratione uxoris filiæ suæ dicti Droconis Resumpserat Arramenta pendentia in Curia nostra inter dictos Droconem et Joannem.

Charta Caroli Regis Franc. ann. 1404. apud Baluzium tom. 2. Hist. Arvern. pag. 470 :

Karolus, etc. primo Parlamenti nostri Hostiario aut Servienti nostro super hoc requirendo salutem. Cum pendente certa causa inter... Johannem de Bethune... et Guichardum Dalphini Militem... dictus Guichardus viam universæ carnis ingressus... mandamus quatenus... Guichardum Dalphini liberum et heredem ac executores testamenti... dicti defuncti, ad certum et competentem diem... adjornes ad Resumendum vel defendendum processus et Arramenta dictæ causæ et ulterius procedendum.

Ibidem pag. 425. ex Regesto Parlamenti anni 1340 :

Cum Armandus Vicecomes Polonniaci tanquam heres defuncti Poncii de Polonniaco, quondam Decani Ecclesiæ Brivatensis ad instantiam Beraldi Dalphini fuisset in nostra Curia adjornatus ad Resumendum Arramenta in dicta Curia pendentia, etc.

Rursum occurrit infra. Vide Erramentum.