ARSINA 1, Glossarium mediae et infimae latinitatis, Du Cange et al.

« 1 arsina » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 408c. http://ducange.enc.sorbonne.fr/ARSINA1

1. ARSINA, Arcina. Charta Hugonis de Belpin Militis ann. 1218. qua vendit villam de Pi in Ceritania :

Et ostem, et cavalcatas, et seguis, et cucucias, et exorquias, et homicidia, et intestationes, et Arsinas.

Ita non semel in Chartis aliis, quas in verbo Cugucia descripsimus. Charta ann. 1312. in 48. Regesto Philippi Pulcri Reg. Franc. ex Tabul. Regio n. 134 :

Si Arsinæ, vel incendia vel alia maleficia facta fuerint in dicta villa, etc.

Ubi Arsina est incendium, vel crimen incendii, seu potius cognitio de crimine incendii, quod nostri Arsin vocabant, ut colligitur ex his, quæ habent Hemeræus in Augusta Viromand. pag. 944. et Vassorius in Noviomensi Historia pag. 294. Arsis etiam dicebant : nam Ecclesia S. Petri, quæ des Arsis dicitur Parisiis, de Arsionibus nuncupatur in Tabulario Monasterii S. Petri Fossatensis fol. 1. Vide Haræum in Castellanis Islensibus pag. 142. 143.

Faire arsons

, incendia excitare, in Charta vernacula Joannis Regis Angliæ apud Willel. Thorn. pag. 2481.

Arcina, Eadem notione, in Charta R. Abbatis Caroffensis ann. 1308. ex 2. Regesto Philippi Pulcri Regis Franc. in Tabulario Regio n. 11 :

Item si Arcinæ, vel alia maleficia occulta facta fuerint in dicta bastida, vel honore, etc.

« 2 arsina » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 408c. http://ducange.enc.sorbonne.fr/ARSINA2

2. ARSINA, Supellex quævis, Occitanis. Synodus Nemausensis ann. 1284. cap. de Veneratione Ecclesiæ :

Quia quidam Clerici Ecclesias sic exponunt supellectilibus, et Arsinis ipsius, et etiam alienis ut potius domus Laicorum, quam Dei basilicæ videantur : idcirco firmiter prohibemus, ne ejusmodi supellectilia seu Arsinæ in Ecclesiis admittantur, nisi propter bellum, aut incendia repentina, seu alias necessitates urgentes, etc.