ARTAVUS, Glossarium mediae et infimae latinitatis, Du Cange et al.

« Artavus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 410b. http://ducange.enc.sorbonne.fr/ARTAVUS

ARTAVUS, Cultellus acuendis calamis scriptorii, Gall. Canif. Joan. de Janua in Catholico :

Artavus, Cultellus Scriptorum ab arto, artas, etc.

Glossarium MS. Lat. Gall. S. Germani a Pratis, Artavus, Artavi, Couteaux ou Canivet. Videtur tamen distingui a scalpello Artavus in libro Regulæ Ordinis S. Victoris Parisiensis MS. cap. 19. ubi de Scriptoribus Monachis :

Sed nec Scriptoria, nec Artavos, (sic) nec cultellos, nec scarpellia, nec membranas... suscipiat.

Ubi forsan Artavos idem quod forcipes. Translatio SS. Saviniani et Potentiani inter Acta SS. Benedict. sæc. 6. part. 1. pag. 261 :

Pestifero invidiæ zelo succensus, abstrahit pallium, quo sanctissimi et Apostolici patroni Saviniani tegebatur tumba, arreptoque Artavo in frusta medium secans ait, etc.

P. Carpentier, 1766.

◊ Glossar. Lat. Gall. ann. 1352. ex Cod. reg. 4120 : Artavus, parvus cultellus, Gallice cannivet. Lit. remiss. ann. 1400. in Reg. 155. Chartoph. reg. ch. 288 :

Idem Jacobus habebat unum parvum Artavum, Gallice canivet, et volebat percutere dictum Matheum per ventrem.