ARTETICA GUTTA, Arthritis, Gall. Goute. Vita S. Bertrandi tom. 1. Junii pag. 789 :

Arteticas Guttas, podagras ac cholicas passiones totaliter ignorabat.

Nihil hac voce familiarius Medicis 12. sæculi. Prudentius dixit Arthresis et in quibusdam editionibus mendose legitur Arthesis vel Artesis : quod incuria correctorum Calepini vitium retentum est in ejus dictionario. Artetica corrupte derivatur a Græco ἀρθριτιϰὴ supple νόσος, quamvis Græci pro ἀρθριτιϰὴ νόσος utantur voce ἀρθρῖτις et per ἀρθριτιϰός et ἀρθιτιϰή eum vel eam intelligant qui vel quæ doloribus articulorum laborat. Antonius Nebrissensis Grammaticus inter Hispanos notus in suo Dictionnario ait :

Athretica non Arthetica pro morbo articulari :

Sed non animadvertit vir eruditus a Græcis nunquam dictum fuisse ἄρθρησις aut ἀρθητιϰή ; quos sequens scribere debuisset Arthritica, ut ex dictis plus satis liquet.