ARTURUM Exspectare, Proverbium apud Anglos, quorum credula adeo fuit olim fides, ut Arturum Regem denuo regnaturum persuasum haberent. Guillelmus Neubrigensis in Proœmio ad Historiam :

Sive etiam gratia placendi Britonibus, quorum plurimi tam bruti esse feruntur, ut adhuc Arturum, tanquam venturum exspectare dicantur, eumque mortuum nec audire patiantur.

Petrus Blesensis Epistola 57 :

Quibus si credideris,

Exspectare poteris

Arturum cum Britonibus.

Nicolaus de Braia in Ludovico VIII :

Hic Brito præsumens Arturum vivere Regem, etc.

Josephus Iscanus de Excidio Trojano :

Sic Britonum ridenda fides et credulus error,

Arturum Exspectant Exspectabuntque perenne.

Vide Harmannum Monachum de Miraculis S. Mariæ Laudun. lib. 2. cap. 16. Henric. Septimell. in Poet. med. ævi Leyseri pag. 460 :

Et prius Arturus veniet vetus ille Britannus.

Ibid. pag. 477 :

Cujus in Arturi tempore fructus erit.

Vide Grimmii Mythol. German. pag. 540.