ASBERGUS, Gistum, procuratio, obligatio hospitandi milites ; vel pecunia, quæ ea de causa exigitur, idem quod Alberga. Stat. Pistor. ann. 1107. apud Murator. tom. 4. Antiq. Ital. med. ævi col. 544. § 52 :

Statuimus, ut potestas et consules de cetero non imponant datium in civitate, nec in districtu Pistoriensi, nec præstantiam, nec Asbergum, nec ronthinum (l. ronchinum) nec equos.

Et § 153. col. 564 :

Item non tollam nec tolli faciam, nec imponam, nec imponi faciam Asbergum vel panthieram, nec aliquid loco eorum, ad dandum militibus alicui personæ de civitate Pistoria et burgis, qui non videantur mihi, ut bene possit dare.

Vide Forcellin. voce Asbestos.