ASCETRIÆ, Feminæ continentes, quæ a Monachabus differebant, ut Asceterium a Monasterio : a Monachabus scilicet, quæ in solitudinibus domicilia habebant. Juliani dictatum de Consiliariis :

Si emerserit de Clericis, vel Monachis, vel Ascetriis, etc.

Julianus Antecessor. cap. 460 :

Si quis contra Clericum, vel Monachum, vel Diaconissam, vel Monastriam, vel Ascetriam habeat aliquam actionem, etc.

Ita c. 494. Gregorius Magn. Epist. ad Theodistam :

Ancillis, quas vos Græca lingua Ascetrias dicitis.

Menologium Basilii in S. Phasic. 21. April. εἶχε δὲ ϰαὶ θυγατέρα χριστιανήν ἀσϰήτριαν, etc. Psallebant autem illæ in elationibus funerum, ut docent leges 45. 48. de Episcopis et Clericis.