ASCODRUGI, Iidem qui Ascodrogitæ, de quibus in Collect. Constit. Eccl. tit. 3. lib. 1. ad 18 :

Quæ de Samaritis promulgata sunt ad Synagogas et successiones eorum spectantia, rata sunt etiam in Montanistis et Ascodrugis.

De his etiam Theodoretus Hæret. Fabul. lib. 1. cap. 10. sub nomine Ascodrutorum et Ascodrupitorum :

Dicebant, inquit, non debere divina mysteria quæ invisibilia sunt signa per res visibiles perfici.... propterea non baptizant eos qui accedunt, nec apud eos celebratur Baptismatis mysterium

. Vocantur a Balzamone ad Photii Nomenclaturam tom. 9. cap. 2. Tascodrougitæ ; in Agilei tamen Codice legitur ἀσϰοδρουγῖται.