ASINATA, Glossarium mediae et infimae latinitatis, Du Cange et al.

« Asinata » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 422b. http://ducange.enc.sorbonne.fr/ASINATA

ASINATA, Onus asini. Tabularium Ecclesiæ Viennensis :

Et in decimis, quas ibidem habeo singulis annis, duas Asinatas vini, et unum sextarium avenæ.

Alio loco :

Easdem decimas ita concedit, ut inde singulis annis investituram, eminam frumenti et Asinatam vini sibi vel successoribus ejus persolvat.

Charta ann. 1233. in Bibl. Sebus. :

Voluit ut a debitoribus vinearum decimam recipiat, quamquam noluerint, antequam perveniat ad decimam Asinatam.

Histor. Mediani Monast. pag. 309. in Charta Pontii Abbatis ann. 1186 :

Et debebamus illis duodecim solidos et vas vini continens duodecim Asinatas.

Charta anni 1283. in Regesto Feodorum Burgundiæ fol. 73 :

Sur laquelle terre nous avons 18. livres de sols Viennois de servise, et 4. Asnées de frement, etc.

Charta Matthæi Comitis Bellimontis :

Dedit.... usuariam consuetudinem in nemoribus suis, quantum quidem Asinus ad usum eorum afferre poterit, etc.

Duo Asini onerati de vino

, in Chartulario Saviniacensi fol. 128. ubi etiam fit mentio quatuor Asinatarum feni. Hujuscemodi Asinatas feni alibi vix reperias. Conf. Assinus.

◊ Asinata, onus equi aut jumenti, ut colligitur ex Lit. remiss. ann. 1377. in Reg. 110. Chartoph. reg. ch. 349 :

Cuidam homini cui obviaverunt, unam Asinatam seu chargiam vini, quam desuper equum vel jumentum, ducebat, abstulerunt.

Aliæ ejusd. in Reg. 111. ch. 41 :

Guillaume sire de Saint-Amour et de Vincelles... avoit contraint ledit Renel de composer à lui à xx. Asnées, et ledit Gauvain à viij. Asnées de vin.

les Bénédictins de St. Maur, 1733–1736.

◊ Quamvis Asinata pro onere quod ferre possit asinus, sumatur, non tamen semper ejusdem est ponderis. Lugduni duæ sunt Asinatarum species : vulgaris una et civium, quæ constat sex bichetis ; altera mercatorum et granataria septem est bichetorum : bichetus autem Lugdunensis est 60. librarum. Asinata Dombensis octo bichetos, Tossiacensis antiqua octo, hodierna novem bichetos seu decem et octo cupas continet : Sed bicheti quoque non unum est pondus omnibus in locis. Qua de re vide Colletum pag. 74. et seqq. ubi refert quasdam mensurarum differentias in Bressia.

les Bénédictins de St. Maur, 1733–1736.

◊ In iisdem locis Asinatam et Sextarium, interdum saltem, promiscue sumta fuisse docent nos duæ Chartæ ex Chartulario Cluniacensi. In priori anni 1132. charactere Gothico exarata :

Definitum est, ut septem Asinatas segulæ Ecclesiæ Ambroniacensi pro omnibus propriis decimis per singulos annos fratres (Cluniacenses) de Prins persolvant

; in posteriori vero, quæ est anni circiter 1140. legitur :

Abbas et Monachi Ambroniacenses cedunt ex causa permutationis Abbati Cluniacensi septem Sextaria annonæ, quæ solebant accipere in area de Prins.

Dubium non est, quin septem

Asinatæ segulæ

prioris Chartæ sint eadem ipsa septem

Sextaria annonæ

in posteriori memorata.