ASSERTOR, Advocatus, causidicus. Vetus Judicatum sub Carolo M. apud Catellum lib. 5. Rerum Occitan. pag. 742. et Steph. Baluzium :

Ibique in supradicto nunc judicio veniens homo nomine Arluinus, qui est Assertor, vel causidicus et mandatarius Danielo Archiepiscopo, etc.

Habentur eadem verba ibidem pluries. Aliud Judicatum ann. 1021. apud Diagum lib. 2. Hist. Comit. Barcinon. cap. 31. ubi Comes controversiam ad judices Ecclesiasticos remittit :

Volo, ut justitia non depereat ; sed ut me aut meo Assertore præsente cito compleatur.

Infra :

Assistente quodam procere Guillermo et agente per imperium Comitis vocem querelantium una cum ipsis justitiam petit.