« »
 
[]« Assisiagium » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 440b. http://ducange.enc.sorbonne.fr/ASSISIAGIUM
ASSISIAGIUM, Assisiatgium, Districtus, jurisdictio assisiæ, Gall. Ressort, olim Assisiage. Libert. villæ de Sarlato ann. 1370. tom. 5. Ordinat. reg. Franc. pag. 341. art. 5 :
Non possit nec debeat citare, nec evocare extra Assisiagium de Sarlato ; nisi sint vel essent personæ ad hoc obligatæ, vel quœ contraxerint aut deliquerint alibi quam in dicto loco de Sarlato.
Libert. civit. Caturc. ann. 1344. in Reg. 68. Chartoph. reg. ch. 312 :
Item quod nullus civis seu habitator dictæ civitatis Caturci, ad instantiam procuratoris regii aut alterius privati, possit ex delicto seu contractu.... extra Assisiatgium suum de Caturco conveniri, nisi extra dictum Assisiagium constaret ipsos delictum aut contractum hujusmodi commisisse.
Charta ann. 1337. in Reg. 72. ch. 212 :
Item que ledit lieu de Syurat, ou le signeur et habitans dudit lieu et des appartenances, seront et demorront du ressort de la seneschaucée d'Agennois et de l'Assisiage de Sainte Foy, et seront exemps d'aler en autre Assisiage.
Vide supra Asseriatgium et Assiagium.
P. Carpentier, 1766.
Assizagium, Assiziagium, Eadem notione. Charta ann. 1358. inter Probat. tom. 4. Hist. Occit. col. 246 :
Inhibemus quod nullus extra forum et Assizagium suum extrahatur.
Libert. villæ de Gordonio ann. 1370. tom. 8. Ordinat. [] reg. Franc. pag. 75. art. 2 :
Concessimus... quod nullus habitator de Gordonio, ad instantiam procuratoris fiscalis, nec alterius cujuscumque personæ, pro facto criminali vel civili, extra dictum Assiziagium de Gordonio extrahi possit ; sed in dicto Assiziagio, super hiis quilibet conquerenti respondere habeat et teneatur, et de eodem in dicto Assiziagio jus tribuatur, quamdiu ibi voluerit jura (juri) parere.
© École des chartes.