ASTULA 1, Glossarium mediae et infimae latinitatis, Du Cange et al.

« 1 astula » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 447c. http://ducange.enc.sorbonne.fr/ASTULA1

1. ASTULA, Segmentum. Servius Danielis, et ex eo Isidorus lib. 17. Orig. c. 6 :

Astula, a tollendo nuncupata quasi abstula. Fomes, est Astula quæ ab arboribus excutitur recisione, etc.

Alii censent vocem formatam ex Astula, tabula sectilis. Nostris Esclat. Marcellus Empiricus c. 29 :

Lupi stercus, dummodo non in terra inventum, sed supra fustem, aut supra Astulas, aut supra juncum, colliges.

Beda lib. 3. Hist. Angl. c. 2 :

Multi de ipso ligno sanctæ Crucis Astulas excidere solent.

Adde lib. 3. cap. 13. Paulinum Epist. 11. 12. et Natali 10. etc.

Astella, apud Adamnanum lib. 2. de Locis SS. c. 1. Hinc ligni segmenta quibus focus exstruitur, in nonnullis Franciæ regionibus, etiamnum dicuntur Astelles, Occitanis Esteles. Sic etiam vocabant Galli lancearum fragmenta teste Percevallo apud Borellum in Diction. Gallico ad vocem Asteles.

Hastula, in Vita S. Erkenwaldi Episcopi London. :

Verum etiam Hastulæ ab eo (feretro) abscissæ, et ad ægrotos allatæ, citam eis salutem parabant.

P. Carpentier, 1766.

◊ Olim Atele et Atelle. Lit. remiss. ann. 1366. in Reg. 97. Chartoph. reg. ch. 161 :

Le suppliant prinst une Atele ou coipel à terre devant lui, et le geta vers sa femme.

Aliæ ann. 1374. in reg. 105. ch. 272 :

Ledit Filleau prist une Atelle, autrement appellée buche de moule, de laquelle il feri très oultrageusement et villainement ledit Lucas.

Unde Ateler dixerunt, pro Astulis seu segmentis ossium fracturam consolidare. Lit. remiss. ann. 1378. in Reg. 113. ch. 363 :

Lequel Colin pour ce qu'il estoit haiz de tout le pueple, aucuns mire ne cirurgien ne le voult aler remuer, et n'y ot que une femme qui Atela ses jambes.