ATTIFICIUM. Libertates Castellinovi in Biturigib. ann. 1258. apud Thomasserium in Consuetud. Bituric. cap. 83 :

Et quod existentes in dicta libertate non possint emere vel acquirere a dictis hominibus nostris de tallia vel mortalia, Attificia, vel immobilia, quæ ad ipsos homines jure hæreditario devenerunt, vel devenient in futurum : verumtamen liceat eis emere, vel acquirere a prædictis hominibus attificia sive immobilia acquisita.

Ubi Attificiorum voce videntur intelligi res mobiles, proindeque Artificia, ni fallor, legendum.