« »
 
AUDITORES 2, AUDITORES 3, AUDITORES 5.
[]« 2 auditores » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 470b. http://ducange.enc.sorbonne.fr/AUDITORES1
2. AUDITORES, Inquisitores, qui de rebus controversis a judicibus delegabantur ad earum veritatem detegendam, adhibitis auditisque testibus, (unde Auditores dicti) et de iis ad ipsos judices, quorum judiciis intererant, referebant. Auditores vero primi recensentur inter officiales Præposituræ Paris. in Edicto Caroli pulcri ann. 1325. tom. 2. Ordinat. Reg. pag. 3. Vetus Placitum apud Ughellum in Comensibus Episcopis pag. 278 :
Cum in judicio resideret Adalgerius missus et Cancellarius D. Regis Henrici... et cum eo judices Papienses, Joannes, etc. Judices sacri Palatii, Adam, Andreas,... et reliqui plures Auditores, etc.
Baldricus lib. 3. Chron. Camerac. cap. 61 :
Faciens illum semper consistere in præsentia sua, et in judiciis suis tam publicis quam privatis Auditorem in primis, et mox judicem insistere.
Petrus Diaconus lib. 4. Chron. Casin. cap. 66 :
Logothetam, Exceptorem et Auditorem Imperii illum constituit.
Vid. cap. 109. Historia Archiepiscoporum Bremens. ann. 1114 :
Præpositus et Palatinus constiterunt ad negotii ventilationem : Auditores aderant Thietmarus Verdensis Episcopus, Albertus Marchio, Comes Hermannus.
In veteri Regesto Parlamenti Paris. ann. 1301 :
Die Jovis post Lætare Hierusalem, Magister Clemens reddidit in Curia processum inchoatum per ipsum inter Comitem Claromontensem et Monachos de Jardo. Ego P. Bituris tradidi eum in tribus peciis Cantori Aurelian. et Mag. Andreæ Potheron, datis Auditoribus ad perficiendum dictum processum. Auditores a latere Regis destinati,
in Fleta lib. 2. cap. 2. § 4. Placit. ann. 920. inter Probat. tom. 1. Hist. Nem. pag. 18. col. 2 :
Giberto archidiacono, qui est missus vel Auditor domno Ucberto episcopo, etc.
les Bénédictins de St. Maur, 1733–1736.
◊ Similem ob causam Auditores etiam dicuntur ii, qui in Fisci Curia vel in Monasteriis rationibus cognoscendis excipiendisque præficiuntur. Computus anni 1277. apud Kennettum Antiquit. Ambrosden. pag. 287 :
Computavit Joannes Cunou Præpositus de Clifton de manerio de Clifton de omnibus receptis et expensis per ipsum factis... coram dominis... Suppriore, Wilielmo de Thornberg,[] Waltero de Oxon. Steph. de Oxon. Auditoribus deputatis.
Hist. Dalphin. tom. 1. pag. : 79
Coram eisdem Auditoribus computavit apud Gratianopolim.
Hinc nostri Auditores computorum, seu rationum, Auditeurs des Comptes.
© École des chartes.
[]« 3 auditores » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 470c. http://ducange.enc.sorbonne.fr/AUDITORES2
3. AUDITORES denique appellati, qui postmodum Notarii, Auditeurs, in Consuetud. municipal. Ambianensi antiqua art. 65. Pontivensi art. 69. S. Pauli art. 42. Claromontensi art. 698. urbis Insulensis art. 64. 95. Ubi venditionum aut alienationum contractus fieri debere coram Auditoribus, vel judicibus statuitur. At in Claromontensi, loco citato, Notarii videntur appellari, qui scilicet contrahentium voluntates audiunt, easque scriptis mandant. Vide Roverium in Hist. Reomaensis Monasterii pag. 599.
© École des chartes.
[]« 5 auditores » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 470c. http://ducange.enc.sorbonne.fr/AUDITORES3
5. AUDITORES, Iidem, qui Audientes, seu Catechumeni. Isidorus lib. 7. Orig. [] cap. 4. Κατηχοὐμενος Græce, Auditor dicitur. Tertullianus lib. de Pœnitentia :
Nemo ergo sibi aduletur, quia inter Auditorum tyrocinia deputetur.
Nicolaus PP. Epist. ad Rivoladrum Episc. in Append. 18 :
Ut triennio ante fores ecclesiæ pro peccatis suis oraturus consistat, et deinde inter Auditores permaneat quadriennio : ut septem annorum curricula absque Communione dominici Corporis et Sanguinis ducat.
© École des chartes.