![[]](http://media.enc.sorbonne.fr/ducange/jpg/A/481b.jpg)
« 2 aula » (par les Bénédictins de St. Maur, 1733–1736), dans , et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 481b. http://ducange.enc.sorbonne.fr/AULA022. AULA, Ecclesia, Basilica, Templum, interdum sola Ecclesiæ navis, Gall. La nef.
Historia Episcop. Autissiod. de qua Diarium Trevoltianum mensis Novembr. ann. 1714. pag.
1976 :
Hanc in sua statuisse Ecclesia saluberrimam consuetudinem (Episcopum Gualdericum) ut omnes sui Episcopatus Diœcesani Sacerdotes, cum suis parroquianis, per dies Pentecostes festivos cum crucibus atque vexillis ad principalem sancti Stephani conveniant Aulam, lustratis in gyro cunctis Abbatiis.Ibidem pag. seq. ex Ceremoniali Ecclesiæ Girundensis :
Istud festum recesserat ab Aula propter introductionem sanctæ Teclæ.Vita S. Medardi Episc. Noviom. Spicil. Acher. tom. 8. pag. 405. et 409 :
Erigitur super sancti tumbam pro temporis opportunitate parvum tugurium exili vimine constructum, quousque, ut Regia decreverat dignitas, coacervatis in opus expensis Aula famosissima perito fabricaretur studio.Annal. Bened. tom. 3. pag. 15. ubi Epitaphium Imperatricis Irmingardæ :
Fœmina hic pausat augusta et nobilis ortu, Irmingarda cui nomen erat deditum ; quæ hoc opus incipiens, hic Aulam condere jussit, ad Christi laudem, atque sui requiem.
Aula Ecclesiæ, Navis Ecclesiæ. Gervasius Dorobernensis in Descript. Cantuar. Ecclesiæ :
Ab hac versus Occidentem Navis vel Aula est Ecclesiæ, subnixa utrinque pilariis octo.Utitur non semel. Eadmerus lib. 6. Hist. pag. 141 :
In medio Aulæ majoris Ecclesiæ decenter sepultus est.Græcis vero Αὐλὴ est, quod Latin. Atrium, Compluvium ante ædes sacras portibus circumdatum. Confer Gloss. med. Græcit. in hac voce.
