AUVANNA. Auvannus, Umbraculum ligneum projectum, quod fenestræ vel officinæ appenditur, Gallis Auvant : forte quod vanni alti instar suspendatur, aut quod ventum arceat, quasi Ostevent : vel quod in plateam progrediatur, ex Gallico Avancer, quasi Avance. Charta Communiæ Hamensis :

Si quis ædificaverit, novum ponet ædificium, ubi vetus fuit, in anteriore autem parte domus, supra viam, duos Auvannos ; unum scilicet super alium, singulosque duorum pedum facere poterit, etc.

Eadem Charta Gallica, deux Avantvens. Charta ann. 1205. apud Duchesnium in Probat. Hist. Monmorenciacæ pag. 75. et 100 :

Salvis Auvannis domorum, ita quod non noceant hominibus ad pedem, neque equitantibus.

Libertates concessæ Barcinonensibus a Petro Rege Aragonum ann. 1283 :

Si de lucernis, cloacis, de parietibus et Auvannis... fuerit quæstio, etc.

Sic in MS.