2. AVANTAGIUM, Jus præcipuum, quidquid a parentibus alicui e liberis, vel a conjugibus sibi invicem datur prærogativo jure, Gall. Avantage. In Foris Aragon. lib. 5. habetur titulus,

De Avantagiis, quæ uxore præmortua vel ipsa superstite, vir aut ejus successores habere debent

. Testamentum Guidonis Cardinalis ann. 1372. apud Baluz. tom. 2. Hist. Arvern. pag. 180 :

Ille qui supervivet omnia præmissa habeat in quantum de jure vel consuetudine dare et Avantagium facere possum.

Charta de Divisione hæreditatis paternæ inter Gaufridum de Calviniaco, Radulphum fratrem ejus et Mariam utriusque sororem ann. 1324 :

De tribus homagiis quæ petebat dictus Gaufridus habere in Avantagium.... nihil partis, partagii, frareschiæ, portionis, appennagii et communitatis... reclamabit.

Consuetudines Lemovicenses art. 64 :

Quando ipsi fratres per eorum alterum fuerunt requisiti, et terras hujusmodi debent æqualiter et bona fide dividere, sine ullo Avantagio eorum alicui faciendo.