AVOLORII Bona, in Foris Aragonensibus

dicuntur illa, quæ sunt acquisita ex successione parentum vel consanguineorum. Et ideo si pater acquisivit aliqua bona titulo lucrativo vel oneroso, alias quam ex successione parentum vel consanguineorum, non dicerentur Bona Avolorii, et sic non possent extrahi per consanguineum vigore beneficii de la Saca, etc

. Ita Michael del Molino in Repertorio, ubi plura de hac materia. Sic Bona Avolorii, sunt ea, quæ Longobardi Aviatica appellabant, ex Hispanico Abuelo, avus. Vide Foros Aragon. lib. 3. tit. Familiæ herciscundæ, et tit. de Communi dividundo Lusitanis hæc bona Avoenga et Avolenga dicebantur. Confer S. Rosa de Viterbo col. 1. pag. 152. et Supplem. pag. 15.