AVRIOLUS. Tract. MS. de Piscibus ex Cod. reg. 6838. C. cap. 31 :

Scombrus dicitur a nostris veirat, quod vitri instar splendeat, vel pes Avriol, id est, piscis Aprilis, quod eo potissimum mense capiatur, a Gallis maquereau, a Massilensibus Avriol, ab Italis lacerto, a Venetis scombro, ab Hispanis cavallo.

Stat. pro piscat. ex Tabul. Massil. :

Et ideo piscium caritudo in civitate prædicta inducitur et habetur, propter fugationem piscium, unde par Avriolorum, quod haberi solet pro duobus denariis, modo venditur quatuor vel quinque denarios.

Occurrit præterea in Stat. Massil. lib. 6. cap. 7.