BACO, Bacco, Bacho, etc. ex Gallico et Anglico Bacon, qua voce promiscue donantur porcus saginatus, ustulatus et salitus, et petaso aut perna. Will. Brito in Vocabul. MS. :

Petaso dicitur perna porcina, Bacon, Gallice.

Capitulare 2. ann. 813. cap. 10 :

Farinam, vinum, Baccones, etc.

Vetus MS. Corbeiense, cui titul. de Mensa Abbatis :

Habet idem famulus de porco uslato, qui dicitur Bacons, tres juncturas versus testam, similiter tres versus caudam. De porco qui dicitur Escaudeis, habet totum mamillarium a gutture per ventrem usque ad caudam.

Chrodegangus in Regula Canonicor. Metensium cap. ult. :

De lardo Baccones accipiat sexaginta, etc.

Guibertus Abbas Novigenti lib. 3. de Vita sua cap. 17 :

Annonam meam, et aliquos pariter petasones, quos vulgo Bacones vocant, diripuerat.

Chron. S. Bavonis ann. 941 :

Oppidani consciso in particulas dimidio Bachone, quem solum, nec quidquam amplius in cibo habebant, fœdabant scuta pugnantium.

Tradit. Fuld. l. 2. ch. 181 :

Accepit unum caballum, et unum pallium et unum gladium, et unum Baconem.

Vetus Charta apud Malbrancum lib. 2. de Morinis cap. 46.

Ut quicunque advocatus fuerit ad regalem expeditionem iturus, unum Baconem, et unam pensam caseorum..... accipiat.

Ubi Malbrancus Baconem nummum esse argenteum perperam putavit, ut eodem lib. cap. 16. Pain de Munition vertit. Decimæ piscium, porcorum, Baconum, in Monastico Angl. tom. 1. pag. 588. Computus ann. 1202. apud D. Brussel de Usu Feud. tom. 2. pag. clxi :

Pro xxxvi. Bacconibus venditis xviii. l. et xii. den.

Instrum. ann. 1342. ex Archivis S. Victoris Massil. :

Unum Baconem et quartam partem alterius.

Occurrit hæc vox non semel apud Scriptores, Udalricum lib. 3. Consuet. Cluniac. cap. 11. Galbertum in Vita S. Caroli Comitis Flandriæ num. 117. Silvestrum Giraldum lib. 1. Itiner. Cambriæ cap. 12. Will. Thorn. in Chron. pag. 2585. Fortescutum de Laudib. Legum Angliæ cap. 35. Baluz. tom. 2. Hist. Arvern. pag. 511. in Act. SS. Apr. tom. 2. pag. 261. C. in Actis Episcopor. Eboracensium pag. 1724. etc. in Adalhardi Statut. S. Petri Corbeiensis, lib. 2. cap. 11. et 12. apud Guerard. post Irminonem pag. 326. Utuntur etiam Poëtæ nostrates non semel.  :

Parmi les plaques meint bon tonnel de vin,

Meint bon Bacon i veissiez gesir.

Alibi :

Truevent as chans meint bon tonnel de vin,

Meint bon Bacon, meint fromage à rostir.

Chronicon Bert. Guesclini :

Et vitaille charger, pain et Bacons salés.

Alio loco :

Les mariens furent oins de craisse et de Bacon.

Vide præterea Glossar. Somneri ad Histor. Angl. et Glossar. nostrum ad Wilharduinum.