BADELLUS, Apparitor, serviens, Gall. Sergent, olim Badel. Vide Bedelli. Charta ann. 1272. inter Instr. Hist. Lugdun. pag. 17. col. 2 :

Quod... a civitate Lugdunensi removeret gentes domini regis, videlicet judicem, vegerium, Badellos et alios exercentes jurisdictionem nomine dicti dom. regis in civitate Lugduni.

Occurrit rursum ibid. pag. 89. et 120. col. 2. Acta capit. eccl. Lugdun. in Cam. Comput. Paris. ad ann. 1338. fol. 37. v°. col. 2 :

Item quod nos habebimus probos et fideles Badellos seu servientes.

Libert. S. Marcellini ann. 1343. tom. 9. Ordinat. reg. Franc. pag 387. art. 21 :

Statuit et ordinavit, quod Badellus sive maignerius curiæ dicti loci, etc.

Charta Frider. ducis Lothar. ann. 1295. in Chartul. Romaric. ch. 34 :

Et saul ce que de nos ballis, de nos prévos, de nos Badelz avons nous promis et promettons que nous lour ferons rendre.