BAGNIRE, pro Bannire, Edicto publico proscribere, ut Bagnitio et Bagnum, pro Bannitio et Bannum. Vide in Bannum 1. Charta Caroli II. reg. Sicil. ann. 1273. inter notas ad Constit. ejusd. reg. MSS :

Quatuor scripta conficiat, continentia nomen et cognomen, causam et tempus forjudicationis seu Bagnitionis ejusdem.

Alia ejusdem reg. ibid. :

Infra decem dierum spatium a die Bagni, etc.

Rursum alia ejusd. ibid. :

Ad jurisdictionem illius, qui eum Bagnierat, per litteras sibi factas capiat illum, quem per suas litteras significaverit forbagnitum, forjudicatum seu proditorem.