BAIVARIUS, Bayvellus, Arbor ad propagationem relicta, nostris olim Baiviau, nunc Bailliveau vel Baliveau. Charta Joan. abbat. Pontiniac. ann. 1244. in Chartul. ejusd. monast. pag. 41 :

Est sciendum quod in unoquoque arpento nemoris venditionis prædictæ, debet dimitti viginti Bayvelli.

Charta ann. 1325. in Reg. 64. Chartoph. reg. ch. 364 :

Item pro quadraginta octo arpentis nemoris, quolibet arpento fundo toto nude, apreciato tres solidos Turon. renduales taxaverunt, Bayvellis, Gallice les Baiviaux, septem libras et quatuor solidos Turon.... Undecim arpenta et decem septem perticas nemoris,... retentis dicto hospitali Baivariis, Gallice dictis les Baiviaus, etc.

Stat. ann. 1376. tom. 6. Ordinat. reg. Franc. pag. 231. art. 21 :

Faire retenue de Baiviaulz ou estallons pour la repeuple des forez.

Ita etiam legendum pro Bayneaulx, in Ordinat. ann. 1402. ibid. tom. 8. pag. 526. art. 20. et in Ch. ann. 1274. inter Probat. Hist. Villehard. pag. 26. pro Boiviaus.