BALA, Sagma, fascis, onus, sarcina, in modum pilæ, quam Galli et Itali ballam vocant, compacta. Fleta lib. 1. cap. 22 :

Ne quis occultare præsumat aliquam pecuniam in pannis, in fardellis, Balis et alibi in loco suspecto.

Consuetud. et jura Ecclesiæ S. Bertini et S. Audomari MSS :

Balæ quatuor den. de tersel. iv. den.

Rymer. tom. 7. pag. 233 :

Unam Balam de arquinetta.

Ibidem pag. 356. col. 2. in Charta pro collectore Papæ de exportandis vestimentis :

In Balis sine (f. sive) cistis reponere, ac ea omnia in quadam navi in portu prædicto carcare.

Balla, apud Matthæum Villaneum lib. 11. cap. 90. Boccacius :

Fece molte Balle ben ligate et ben magliate.

Vide Raynouardi Glossar. Rom. vol. 1. pag. 171. voce Bala, et infra Balla 2.