« »
 
[]« 4 bajulus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 527b. http://ducange.enc.sorbonne.fr/BAJULUS4
4. BAJULUS, vel Baillivus, Italis Balio, Magistratus, qui vice Legati ordinarii Venetorum fungebatur Constantinopoli, dum Imperatores Græci ea in urbe imperarent : seu potius Mercatorum Prætor, ut Platinæ placet in Gregorio XI. Παιοῦλος, et μπαιοῦλος, Pachymeri lib. 2. cap. 32. Gregoræ lib. 4. Phranzæ lib. 3. cap. 1. et Codino de Offic. cap. 14. n. 13. quomodo hæc vox scribitur apud Ducam cap. 17. ubi de Ballivo Ordinis Hierosolymitanorum Militum. At id non semper obtinuit : nam primitus Potestates dicti ii Bajuli, ut colligitur ex Statutis Venetor. ann. 1242. lib. 1. cap. 27. Ballivum Catelanis, qui Constantinopoli morabantur, præfuisse etiam ait idem Phranzes loco citato.
les Bénédictins de St. Maur, 1733–1736.
Bajuli Artificum, Procuratores, qui res artificum communes administrant, Gall. Syndics. Ceremoniale MS. B. M. Deauratæ Tolosanæ :
De mane est consuetum, quod Bajuli argentariorum ac etiam Bajuli menescallorum faciunt dicere unam Missam in altari B. Eligii.
P. Carpentier, 1766.
◊ Bajuli Artificum, dicuntur ii, qui rebus ad artificium spectantibus præfecti sunt. Libert. Petræ assisiæ ann. 1341. in Reg. 74. Chartoph. reg. ch. 647 :
Item quod dicti consules possint instituere et destituere Bajulum seu Bajulos super quolibet ministerio textatorum, macellariorum, etc.
P. Carpentier, 1766.
Ballivi Capitales, Majores, qui aliis præerant. Consuet. Norman. part. 2. cap. 63. ex Cod. reg. 4651 :
Contra senescallum vel capitales Ballivos principis, in eis quæ ad principem pertinent, vel ad personas eorum tanquam justiciariorum, fit desrenia per septem hominum sacramenta.
les Bénédictins de St. Maur, 1733–1736.
Bajuli Confratriæ, Qui res confratriæ communes administrant. Les Bailes vel Syndics d'une Confrérie. Baluz. Hist. Arvern. tom. 2. pag. 783. ex Charta [] ann. 1308 :
Item homines S. Amantii et pertinenciarum recipient mensuras vini a Bajulis Confratriæ S. Spiritus, quæ fit in villa S. Amanii qui tenebunt l'eschandelho sive lo payro, et omnes homines recipient a dictis Bajulis, etc.
les Bénédictins de St. Maur, 1733–1736.
Bajuli Curiæ Montispessulani, in Statutis Sartorum Montispessulanorum ann. 1323. tom. 2. Ordinat. Reg. Franc. pag. 472 :
Nos Guirus Genesii Bajulus Curiæ ordinariæ Montispessulani illustris domini Regis Majoricarum et domini Montispessulani, sigillum auctenticum dictæ curiæ huic præsenti publico instrumento duximus apponendum.
P. Carpentier, 1766.
Bajulus de Palatio, in Charta ann. 1218. ex Cod. reg. 5132. fol. 9. v° :
Ego Bernardus de Dous Bajulus de palatio, etc.
Bajuli Dominorum, in Constitut. Neapol. lib. 3. tit. 10. quibus aliquid agendum a dominis suis demandatum est. Ita etiam appellamus pedaneos et fiscales judices prædiorum et feudorum.
Bajuli Gabellati, qui gabellas seu tributa publica exigunt vel recipiunt. Constit. Neapolit. lib. 1. tit. 57 :
Statuimus Magistros Camerarios,... ipsas rationabiliter diffinire causas, quas inter Bajulos Gabellatos suæ jurisdictioni subjectos oriri sæpe contingit.
Bajulivi Conventuales, in Ordine Hospitaliorum S. Joannis Hierosol. præcipui ordinis Consiliarii appellantur Magnus Commendatarius, Marescallus, Hospitalarius, Admiratus, Draperius, et Turcopolerius,
qui Bajulivi Conventuales dicuntur, quia suarum linguarum præsides existunt.
Statuta istius Ordinis tit. 10. § 1.
Bajulivi Capitulares, in eodem ordine, ibid. n. 2. qui Capitulis ascripti sunt, Consilioque intersunt : hi sunt Bajuli octo linguarum,
◊ Provinciæ, qui Magnus Commendatarius ;
◊ Alverniæ, qui Marescallus ;
◊ Franciæ, qui Hospitalarius ;
◊ Italiæ, qui Admiratus ;
◊ Aragoniæ, qui Draperius nunc Magnus Conservator ;
◊ Angliæ, qui Turcopolerius ;
◊ Alemanniæ, qui Magnus Bajulivus ;
◊ Castellæ, qui Cancellarius Ordinis appellantur. De iis eodem tit. § 42.
◊ Bajulivorum appellatione præterea veniunt Priores et Castellanus Empostæ, tit. 19. § 5. Magni Baillivi Hospitalis S. Joan. Hieros. meminit Ducas cap. 17. pag. 40.
◊ Ballivus, Regni vel Imperii gubernator, qui vulgo Regent, olim Bail. Henricus Flandrensis in Epistola ad Innocentium III. PP. in Gestis ejusdem pag. 116 :
Principes, Barones, et Milites exercitus me imperii Ballivum elegerunt.
Ipse vero Imperii moderatorem se inscribit in eadem Epistola. Vide infra Balius.
les Bénédictins de St. Maur, 1733–1736.
◊ Bajulinos eosdem appellat Bernhardus de Breydenbach in suo Itinerario Hierosol. pag. 271 :
Nec defuerunt magnanimi Bajulini, priores, preceptores ac fratres sacri ordinis Jerosolimitani pariter negociatores indigeneque et Græci, qui pro fide orthodoxa fortiter pugnare non formidant... Nostri in pomerio tubarum clangore jubilant. Princeps noster præclarissimus, ingenti acumine preditus propediem hostilem invasionem futuram conjectat. Maturo igitur consilio, presidia menium instituit ; hiisque præstantes viros preficit, subsidia quoque non negligit, quibus et electissimos sui ordinis cujusvis nationis Bajulinos et equites preesse voluit, qui presto casu urgente adesse debeant.
[]
les Bénédictins de St. Maur, 1733–1736.
Bajulus Tabellionum, Qui præest tabellionibus. Concil. Avenion. ann. 1509. apud Marten. tom. 4. Anecd. col. 396. E :
Placuit dicto RR. domino, quod salarium secretarii taxetur per Bajulos tabellionum.
les Bénédictins de St. Maur, 1733–1736.
Bajuli, In urbibus iidem qui mox Ballivi, Prætoris officio et nomenclatura illustres. Chronicum Siciliæ apud Marten. tom. 3. Anecd. col. 89 :
Inter alia privilegia et immunitates concessas dictæ universitati Panormi per dictum dominum Regem Petrum fuit concessum quod ex nunc inantea Bajulus dictæ urbis nominaretur et vocaretur Prætor, prout antiquitus assueverat vocari.
Instrum. ann. 1120. tom. 1. nov. Gall. Christ. pag. 67 :
Reddidit... castrum et villulam et quam contra voluntatem ejus ædificaverat et ejecit Bajulum... et dimisit omnes malos usus.
Ballivi, nostris Baillis dicti, quibus Justitiæ in provinciis et majoribus civitatibus administrandæ cura a Principe demandata erat, qua notione passim hæ voces occurrunt in Constitutionibus Regum nostrorum. Ballivos autem a voce Bajulus, dictos omnino constat ; non vero a Baal, idolo, ut sibi somnia finxere Sanjulianus in Hist. Burgundionum pag. 176. Golutus in Hist. Comit. Burgund. lib. 2. cap. 42. et Joannes Guijonius in Dissert. de Magistratibus Augustodunensis fori cap. 2. Atque ii Comitum vicem subiere, qui prima et secunda Regum nostrorum stante stirpe id muneris obibant, quod postmodum Ballivi. At cum Comites inclinata, et frequentibus Normannorum irruptionibus attrita ac pene profligata eorumdem Principum auctoritate, Comitatus suos sibi proprietario jure asseruissent, iidem juris dicendi facultatem tradidere Vicariis, quos Bajulos ac ballivos, vocabulo ævi istius, vocarunt, quo ita appellabantur, quibus rei alicujus cura demandata erat : qui ut justitiæ suæ Custodes essent ac veluti rectores et præsides : quod etiam fecere Reges nostri in iis oppidis ac civitatibus, quæ sui ac proprii juris erant.
les Bénédictins de St. Maur, 1733–1736.
◊ Altius, quam par erat, Ballivorum originem ultima hac notione D. Cangium repetisse existimat D. Brussel ; haud injuria certe, cum de iis ante xii. seculum nulla occurrat mentio. Henricus II. Rex Angliæ et Normaniæ Dux, primus eorum meminit in Charta ann. 1155. ita tamen ut ex ea omnino incertum sit, an Vicecomitibus vel Præpositis superiores extiterint. Hanc Præeminentiam non prius ann. 1190. cum scilicet a Philippo Augusto primum instituti, obtinuisse in iis quæ ad Regem pertinebant provinciis certum videtur. Vide laudatum D. Brussel de Usu feud. tom. 1. lib. 2. cap. 35.
◊ De Ballivorum jurisdictione ac cognitione in Regno Siciliæ agunt Constitutiones ejusdem regni lib. 1. tit. 56. et sequentibus : in Francia vero præ cæteris Edictum S. Ludovici, dat. Parisiis mense Decembri anno 1254. quod recitant Joinvilla, et Nangius in illius Vita sub ann. 1256. et Edictum Philippi Pulcri ann. 1302. pro reformatione Regni, quod Pithœus edidit post Consuetudinem Trecensem, in quibus habetur sacramentum, quod antequam munus suum inirent, edere tenebantur, cap. 26. et seqq. quod etiam descriptum legitur in 1. Regesto Memorialium Cameræ Computorum Parisiens. fol. 158. hisque verbis concipitur :
◊ Li sermens que doivent faire li Baillis.
Premierement que vous servirez le Roy [] bien et loyalement, et garderez son secret et son droit par tout là ou vous le sarez.
Item, que vous ferez bon droit et hatif à tous ceux qui auront à faire devant vous pour cause de votre Office, tant au foible comme au fort, tant au pauvre comme au riche, sans acceptation de personne, quelle qu'elle soit.
Item, que de nulle personne de votre Baillie, ne d'autre quelle qu'elle soit, qui est cause devant vous, ou esperez qu'il doie avoir, vous ne prendrez don ne present de vin en tonnel, de beste entiere, comme buef, ou porc, ne viande, ou viandes en autre maniere, fors que pour la souffisance de la journée, ne or ne argent, ne joyaux ne autres choses, qui puissent ou doient tourner à mauvaise convoitise.
Ainsi le jurez-vous, Bailly, ainsinc vous aist Diex et ces saintes Evangiles.
Exstat aliud simile, sed prolixius sacramentum in 8. Regesto eorumdem Memoralium pag. 55.
les Bénédictins de St. Maur, 1733–1736.
◊ Quod quidem sacramentum prius coram Rege, vel in publicis Balliviarum suarum assisiis, exinde vero in Camera computorum præstare tenebantur, ex Edicto Philippi V. Regis Franc. ann. 1319. tom. 1. Ordinat. Reg. Franc. pag. 706 :
Nous voulons et ordennons que tous Seneschaux, Baillis.... tantost comme ils seront crées et establis és offices de par nous, viengnent en la Chambre de nos Comptes devant ditte, pour faire illec leur serment.
les Bénédictins de St. Maur, 1733–1736.
◊ Ut sua per se officia exerceant, nec locum tenentes, nisi cum casus id postulaverit atque de consensu Regis, sibi substituant, præcipit Philippus IV. Edicto ann. 1302. cap. 22. et Philippus V. ann. 1318. cap. 8.
◊ Ballivi isti majores non modo in assisiis suis jus dicebant ; sed etiam Regum nostrorum, uti vocant, domania, seu res, quæ fisci sunt, exigebant ac cogebant : verbi gratia mulctas et emendas pecuniarias, confiscationes, forisfacturas, escaëtas, laudimia, manus mortuas, et alia id genus, de quibus rationem accepti et expensi coram Magistris Computorum Parisiensium quotannis putabant, ut est in Statuto dato Vivarii ann. 1319. pro eadem Camera Computorum : cujusmodi Ballivorum Computa in Rotulis membraneis comprehensa infinita propemodum mihi legere contigit beneficio V. C. Dom. d'Herouval. Prostat aliud Statutum datum Andegavi mens. Novemb. ann. 1323. in Regesto Noster fol. 165. in quo hæc de Ballivorum Computis statuuntur :
Item, que tous Baillis et Receveurs veenguent compter ordonneement aus drois termes accoustumez sur peine de perdre 60. livres tournois, chascun Bailly à chascun termes et chascun Receveur des Seneschaussées la moitié de ses gages.
Item, que tous les Baillis dou Royaume de France, excepté celuy d'Auvergne, feront les receptes de leurs Baillies, et en compteroient aux termes accoustumez sur la peine dessusdite, et n'y ara autres Receveurs excepté le Receveur de Paris, qui ara 100. livres tournois chascun an pour raison de ses gages, et chascun Bailly et le Prevost de Paris aront 500. livres tournois de gages par an, et est faite celle creuë és Baillis pour cause des receptes à leurs Baillies et au Prevost de Paris pour la multitude des besoignes qu'il y a à faire.
◊ De Ballivorum salariis hæc habentur in eodem Regesto f. 415 :
Anciennement le Prevost de Paris souloit prendre par tout l'an 292 livres par. pour ses gages, [] c'est 16. s. par jour, et il prend orendroit chascun an 400. livres par. et 160. livres l'an de don de creuë.
Les Baillis de Senlis et les autres de France prenoient par jour 16. s. et n'y avoit nul Receveur, et autant prenoit-il orendroit, et s'y a Receveurs qui prennent chascun 80. livres par an.
Les Baillis de Normandie souloient prendre chascun 20. s. tournois de gages par jour, c'est 365. livres tournois par an, et chascun prend orendroit 500. livres tournois de gages par an et oultre ce le Bailly de Rouen prenoit 100. livres tournois par an pour robes et chevaux, et les prend encore.
Les Baillis de Champagne souloient prendre chacun 20. s. tournois de gages par jour, et le Receveur 500. livres tournois, et autant prenoient-il orendroit, et aussi les autres Officiaux.
Les Seneschaux souloient prendre, c'est assavoir Poitou, Xaintonge, d'Auvergne, chascun 500. livres tournois de gages par an, Caours et Perrigort ensemble 600. livres, Tolose 700. livres tournois, aussi prennent-il encore, et avec ce il retenoient les emolumens des seaux des Seneschaucées qu'ils portent.
Le Seneschal de Bigorre souloit prendre 365. livres tournois de gages par an, et il prend orendroit 400. liv. tournois, et li Receveur 100. liv. t. par an.
Li Gouverneres de Lille Mess. Thibaut de Denisy prenoit l'an 1325. en son temps 1000. liv. t. de gages par an, et Mess. Regnaut de Choisel Gouverneres orendroit prent 500. liv. t. par an, et le Bailly souloit prendre 200. liv. par an et n'y avoit Gouverneur ne Receveur, et li present li Receverres 80. liv. par an.
Le Bailly de Crescy souloit prendre 60. liv. tourn. de gages, et il prend orendroit 200. liv.
◊ De tempore, quo Baillivi sua computa reddere debebant, habetur aliud Statutum, hisce verbis conceptum :
C'est l'ordonn. comment les baillifs de France et de Normandie, et les Seneschaux, et les Commissaires de par le Royaume doivent venir compter. Les Baillis de Normandie doivent venir compter le lendemain des Octaves de Pasques et de la S. Martin chascun 2. jours l'un après l'autre.
Le Bailly de Roüen, lendemain des Octaves de Pasques, et aura 2. jours pour compter.
Caën après aura 2. jours. Caux 2. jours après. Constantin 2. jours après. Gisors après 2. jours.
Les Baillis de France doivent venir compter lendemain de l'Ascension et de la S. Andry, et doit chascun l'un après l'autre avoir 2. jours pour compter à chascun terme ; Paris, Senlis, Vermandois, Amiens, Sens, Orleans, Bourges, et Tours.
Seneschaux doivent venir compter aux Octaves de la S. Jean chascun an, et aura celuy de Poitou. 2 jours, Xaintonge 2. jours, Angoulesme 1. jour, Auvergne 2. jours, Thoulouse 8. jours, Roüergue 2. jours, Carcassonne 8. jours, Beaucaire 8. jours, Pierregort 2. jours, Caoursin 2. jours, Lyon 2. jours, Mascon 2. jours.
Champagne à la my-Aoust 8. jours
.
La ville de Doüay, et toute la terre devers Flandres de la Septembresche.
(sic)
Nevers aux Oct. de la Septembresche.
Les Baillis de Normandie aux huitaines de la S. Martin, se il n'y a pleiderie, et se il y a, il soit bon, que ils veinssent lendemain de la Toussaint.
Les Baillis de France à la S. Andrieu, [] et aura chascun Bailly de France et de Normandie 2. jours pour compter l'un après l'autre.
Navarre rendra de la Tiphaine, et aura 8. jours.
Ensuit tous les Comptes ordinaires ouys, après le temps dessusdit pourra l'en oyr les Commissaires des dixièmes, des annuex, de Messaigiers, et autres Commissaires
.
Les Comptes de l'Hostel le Roy, de Madame la Royne, avec les joyaux pour 2. termes.
◊ Les Comptes du Tresor pour 2 termes.
◊ Les Comptes des Garnisons.
◊ Statuto Philippi Valesii Regis 8. Aprilis ann. 1342. cautum, ne quis Baillivus vel Senescallus sit ex Magistris Requestarum, neque ex Parlamento, in Reg. Memorialium Cameriæ Comput. Paris. sign. C. fol. 259. Adde Statutum pro reformat. Regni ann. 1302. cap. 8.
les Bénédictins de St. Maur, 1733–1736.
◊ Admissos tamen in Parlamentum, nisi cum de Arrestis pronuntiandis ageretur, constat ex Edicto Philippi V. ann. 1320. tom. 1. Ordinat. Reg. Franc. pag. 730 :
Nous voulons que les Huissiers de Parlement laissent passer les Seneschaulz, Bailliz et nos Procureurs pardevers les Mestres, forz tant seulement quand il seront en conseil sur les arrez.
◊ Ex ordine Militum seligebantur Ballivi, ut auctor est Monstrelletus 1. vol. cap. 155.
P. Carpentier, 1766.
◊ Quanquam vero ex ordine militum seligebantur Ballivi, horum nihilominus officium seu servitium aliquam nobilitati maculam inurere nonnunquam opinati sunt, uti colligitur ex Charta Phil. Pulc. ann. 1295. in Reg. 61. Chartoph. reg. ch. 253 :
Cum dilectus et fidelis noster dominus Couciaci Theobaldum de Marla Ballivum castri sui Montismirelli duxerit deputandum ; nolumus quod occasione servicii dictæ balliviæ, quamdiu manserit in eodem, dicto Theobaldo, ejus uxori eorumque liberis aliquod præjudicium generetur, aut imponatur aliqua macula servitutis.
◊ Interdum Gubernatores Balliviarum suarum se se inscribebant, ut ex variis Tabulis, et ex Froissarte 2. vol. cap. 24. colligitur : quod postmodum iis interdictum dicto Statuto 8. April. ann. 1342.
◊ Si bellum ingrueret, vel a Rege submonerentur et citarentur feudatarii, Ballivi Communias Balliviarum suarum in exercitum ducebant, iisque præficiebantur. Homagium Vicarii Salviæ in Occitania, apud Catellum in Hist. Tolos. Comit. pag. 36 :
Quando dominus Rex vel alius nomine ipsius vult congregare cavalcatas per Bajulos parochiarum, ego debeo mandare dictas cavalcatas per totam dictam Vicariam, per dictos Bajulos, et cogere homines secundum mandatum domini, ut eant in guerram : et debeo dictos homines conducere, et capdelare per me, vel per alium, cum expensis tamen domini prædicti.
Charta Berengarii Comitis Provinc. ann. 1234. ex minore Chartul. S. Victoris Massil. pag. 119 :
Retentis nobis cavalcatis semel in anno homines dicti castri teneantur venire in nostris castris, si contigerit nos vel Bajulos nostros facere exercitum.
127. Vide Froissart. 1. vol. cap. 121. pag. 127. Labbeum tom. 1. Miscellan. pag. 658. Sanjulianum in Augustoduno pag. 215. etc.
◊ Ballivorum officia annua erant, et Vicarios ad jus dicendum pariter annuos ii deligebant. Ita appellantur in Statuto S. Ludovici ann. 1256. quos nostri Lieutenans Generaux vocant. De iis consulendum Edictum Caroli VIII. ann. 1493. []
les Bénédictins de St. Maur, 1733–1736.
◊ Triennium officia sua Ballivos obtinuisse, atque etiam diutius, quamvis raro, monet D. Brussel de Usu Feud. lib. 2. cap. 34. quod manifestum fit ex Catalogo quem ibidem adtextuit. Ad Vicarios vero eorumdem quod attinet, nihil in Statuto laudato ann. 1256. mihi occurrit quo Ballivis jus fuisse Vicarios, qui vices suas gererint, deligendi, eosque annuos fuisse probetur ; id certe sequiori sæculo ipsis interdictum fuisse supra monuimus.
◊ Ballivis, administratione sua durante, possessiones per se, vel per alium emere in Ballivia sua, absque Regis licentia, interdictum Statuto S. Ludovici supra laudato : ut et sibi vel liberis, fratribus aut sororibus, et consanguineis vel cuicumque de familia sua, absque Regis assensu, procurare ; sed et matrimonia contrahere, suosque in Monasteriis collocare. Habetur in Camera Computor. Parisiens. sequens Diploma, quod id adstruit :
Johannes, etc. Universis, etc. Exposuit nobis Colardus de Salcibus Ballivus noster Vitriaci, quod cum ipse matrimonium contrahi procuraverit de Colardo filio suo, cum filia Radulphi de Dargieres Militis in sua Ballivia commorantis, timeatque, ne eidem imputari posset in futurum, quod hoc juxta ordinem facere non potest, absque emenda erga nos incurrenda : Notum facimus, quod attentis gratis servitiis, etc. eidem omnem emendam, quam propter præmissa incurrere potuit, remittimus et donamus, nonobstante, etc. Datum Paris. die 15. Junii ann. 1359.
◊ Denique ut omnis odii aut favoris abesset suspicio in judiciis, statuit Philippus Pulcher, ut aliunde assumerentur quam ex Balliviis, ad quas mittebantur, Statuto anni 1302. cap. 17. cui consona habet de Friderico I. Imp. Guntherus lib. 8. Ligurini :
...... Cunctasque per urbes
Electos in jure viros, verique sequaces
Imposuit, medio qui cuncta negotia juris
Limite discuterent, nec eos ex urbibus iisdem,
Ne favor aut odium sensus corrumpat eorum,
Sed magis ex aliis ad munera pulcra vocatos
Elegit, sacra vel delegavit ab aula.
◊ Ballivi, finito officio, in sua Ballivia remanere tenebantur per 40. dies, vel saltem procuratorem sufficientem dimittere, ut de se conquerentibus coram illis responderent, quibus id fuisset commissum, ex dicto statuto S. Ludov. ann. 1256. vel 50. Et ex Statuto Philippi Pulcri ann. 1303. in Regesto 36. Chartophylacii Regii Charta 133 :
Item quod Bajuli facto tempore eorum regiminis morentur et remaneant in locis Bajuliarum suarum per 50. dies continue parati respondere omnibus de se conquerentibus.
Quod etiam in Scotia factitatum docent Leges Scotiæ Quoniam attachiamenta cap. 101. Id vero et illi et nostri hauserant ex l. 1. Cod. Ut omnes Judices tam civiles, quam milit. etc. et ex Novella Theodosii et Valentiniani de Tributis Fiscalibus. In quam rem consulendus Theophanes ann. 2. Justiniani M.
◊ Neque tantum in Balliviis suis morari per id temporis, sed etiam in Parlamentis sistere se tenebantur, ut de judicatis in assisiis suis responderent. Philippus de Bellomanerio cap. 61. ait, eum, qui de falso judicio appellavit, debere illud prosequi in proximo Parlamento post appellationem :
mais ajorner le Bailli ne convient-il pas fere, car il est tosjors ajorné as Parlemens à ce jor de lor Baillies contre tos cix qui se voelent plaindre d'eux.
Atque hæc generatim de [] Ballivis Gallicis : de Anglicis vero sequentia ex Spelmanno, et aliis hic subjicimus.
Ballivus Franchesiæ, seu libertatis, apud Anglos est, qui in loco immuni, seu portione Comitatus, potestate Vicecomitis subducta, partes Vicecomitis exequitur. Et sunt hujusmodi Ballivi eorum similes, qui apud Gallos Baronum et Castellanorum appellantur Ballivi. Horum mentio est in Statuto 2. Westmonaster. cap. 42.
Ballivi Burgorum, sunt in burgis suis Prætoris instar : at sub illo nomine ante sæculum Normannicum non reperiuntur ; sed deinceps nunc Aldermannorum locum, nunc Grevi et Portgrevi obtinuerunt. In hoc autem differunt ab Aldermannis et Grevis, quod hi plerumque singulis burgis vel civitatibus singuli præficerentur ; Ballivi autem bini, ut olim Londoniis : interdum quatuor, ut Norwici aliquando. Primos etiam Londoniarum Ballivos alii Vicecomites appellarunt, qui apud Anglos multo splendidior est Magistratus. Vide Leges Burgorum Scotic. cap. 76. § 1. cap. 104. § 1.
Ballivus Manerii, Idem est, qui alias Ballivus, seu Præpositus villæ, quasi vicedominus : nam domini loco omnia administrabat infra manerium, seu villam : tantaque olim ejus erat celebritas, ut absente domino, brevia aliquot Regis, illi tanquam domino mandarentur.
Ballivus Domesticus, seu rei familiaris idem est qui Latinis Villicus.
◊ Sunt præterea Quinque portuum, forestarum, Castellorum, aliorumque locorum Ballivi, et rei alienæ administrandæ perplures, quos longum esset singillatim enumerare. Præ omnibus autem, munere, multitudine notissimi sunt infimi illi Ballivi, qui Vicecomitibus et Ballivis franchesiarum sunt a mandatis. Horum autem est, desideratos in Curias accersere, partem ream citare, sistere, apprehendere, in custodiam deportare, mulctas et debita exigere, rem judicatam transigere, et hujusmodi. Quæ ut faciant, alii undique discurrunt, et appellantur ideo Ballivi errantes, seu itinerantes, quales olim apud Romanos Viatores. Hoc illud hominum genus est, quod dum plebem per secula vexat et depeculatur, honestum Ballivorum nomen turpi infamia perfundit : cum tamen ipsi non Ballivi, at Subballivi potius sint appellandi. Hactenus Spelmannus.
les Bénédictins de St. Maur, 1733–1736.
◊ Ad Ballivos vero Delphinales quod spectat, de eorum jurisdictione et cognitione nihil est quod addamus : cum iidem fuerint qui Ballivi Regis Franc. de quibus satis abunde supra dictum est : ad eos quippe, quemadmodum et ad illos, census, aliorumque vectigalium, quæ fisci erant, spectabat collectio, de quibus rationem Castellano exhibebant, ad cujus mandatum debebant facere et tractare negotia domini. Horum exinde officium sub annuo censu infeudatum videre est in Hist. Dalphin. tom. 1. pag. 111. ubi, plura si nosse cupis, accurate pertractata reperies.
Baillivia, Balivia, Ballia, Balliva, Nomen est genericum, comprehenditque non modo Ballivorum majorum officia ac districtus, sed etiam alias Præposituras, Majorias, Vicecomitatus, et quosvis pedaneorum judicum magistratus, qui in commercio erant, et vænibant, et emebantur, ut est in edicto S. Ludovici ann. 1254. apud Nangium [] in illius Vita pag. 364. Hinc Balliva Vicecomitis, apud Matthæum Paris, et in Vitis Abbatum S. Albani. Baliva forestæ et forestarii, in Legibus forestæ, apud eumdem Paris, id est, cura forestarum, de quibus etiam forestarii judicia exercebant, vel saltem mulctas imponebant. Edictum S. Ludovici ann. 1228. in Hæreticos Occitaniæ :
Hæc Statuta inviolabiliter servari jubemus, mandantes, quod Barones et vassali et bone ville jurent ista servari, Baillivis nostris ad hoc executoribus deputatis, qui infra mensem postquam fuerint in Baliviis suis constituti, publice et in loco publico et die solempni, jurent quod hæc servabunt.
Charta anni 1298. ex Archivo Montis S. Michaëlis :
Nos frater Stephanus Abbas Savigneii et Magister Guillelmus archidiaconus Sabolii visitatores et reformatores monasterii Rothonensis a domino Papa delegati, statuimus, quod Abbas teneat Baillivias sive præposituras de Rothono, de Balneo, etc.
Tabular. Angeriac. :
Ipse Petrus quitavit et concessit dicto Laidet et heredibus suis Balliam et libertatem ipsius Balliæ, quæ Ballia vocatur publice Præpositura fimorum.
Vide infra Balia.
les Bénédictins de St. Maur, 1733–1736.
Ballia, Ballivia. Charta ann. 1208. ex Archivis Castri Nannet. :
H. de Leonia : Ego dedi R. filio Cari pro bono suo servitio Balliam et ministerium et senescalliam hereditarie et perpetuo possidenda, inter me et ipsum nullo Ballivo mediante, in quinque plebibus, etc.
Alia ann. 1225. ex eodem Archivo :
Noverit universitas vestra nos dedisse et concessisse dilecto militi nostro Eudoni Guidon Senescalliam et Bailliviam in plebe Tinet... sibi et heredibus suis in perpetuum. Dictus autem Eudo Guidon est homo noster ligius de Senescallia et Ballivia prædictis.
Adde Regiam Majestatem lib. 1. cap. 15. § 14.
les Bénédictins de St. Maur, 1733–1736.
Bajulia, in Saisimento Comitatus Tolosæ ann. 1271. tom. 1. Annal. Tolos. pag. 37. inter Instrumenta :
De Buzeto Diœcesis Tolosæ et Bajulia ejus.
Et pag. 38 :
Asseruerunt etiam quod in Bajulia et districtu dicti castri sunt castra et villæ et parrochiæ infra scriptæ.
Statuta Eccles. Barchin. ann. 1341. apud Marten. tom. 4. Anecdot. col. 622. E :
Bajulias, scribarias seu alia officia, etc.
Concil. Hispan. tom. 4. pag. 527 :
Cedit quidem in magnum Ecclesiæ detrimentum, quod scribaniæ, vicariæ, Bajuliæ, sagioniæ.... per laicos gubernari, etc.
Spicil. Acher. tom. 9. pag. 249. ex Testamento Jacobi cognomento Magni Regis Aragoniæ ann. 1272 :
Manumissores nostri habeant, teneant et recipiant tot annis et tamdiu omnes reditus et exitus civitatum.... et Bajuliarum suarum, etc.
Præceptum S. Ludovici. ann. 1228. tom. 1. Ordinat. Reg. Franc. pag. 51 :
Volumus et mandamus, ut Bajuli nostri in quorum Bajuliis capti fuerint hæretici, etc.
Hist. Dalphin. tom. 1. pag. 40 :
Desiderius Corlois est homo Comitis et tenet de eo Bajuliam de Menglas et de Longavilla et percipit pro ista Bajulia decimam partem in omnibus censibus et in tallia quinque solidos pro calciatura sua.
Vide infra Balia.
Ballivia Feodata, Juris dicendi potestas, vel potius prædii alicujus cura in feudum data. Tabularium Ludovici Ducis Andegavensis Regis Siciliæ fol. 102. 103 :
Michel de la Tousche homme lige deux fois pour la grant Baillie Faiée du Chaillant, et à cause de la Baillie Faiée de Lennot de Changey. Colette la Bedelle femme lige à cause de la Baillie Faiée de Mayenne.
[]
les Bénédictins de St. Maur, 1733–1736.
Bailliagium, Baillivi seu Judicis officium, districtus, jurisdictio, Gall. Baillage. Rotulus Cancellariæ Ducatus Normanniæ tom. 4. Hist. 1. Harcur. pag. 1258 :
Infra Bailliagium d'Evreux et d'Alençon.
les Bénédictins de St. Maur, 1733–1736.
Baillivatus, Bailliviatus, Eadem notione. Literæ Caroli Franc. Regis ann. 1459. tom. 5. Hist. Paris. pag. 705. inter Instrum. :
Theobardus de Meseray dicti palatii nostri dum viveret conciergerius magistros Petrum de Marigny et Petrum le Moustier successive suos Ballivos, qui dictum Baillivatus officium.... exercuerant, commiserat.
Rymer. tom. 9. pag. 879 :
Quoad officia tam justitiæ Parliamenti, quam etiam Baillavatus, Præposituras, etc.
Et pag. 898 :
Præposituras, Bailliviatus, Senescallias, etc.
Vide eumdem tom. 12. pag. 503.
Bajulatio, in Constitut. Sicul. lib. 1. tit. 56. 59. § 1. 2. in Sicilia Sacra Rochi Pirri pag. 174. ex Diplom. Martini Regis, et in Statutis MSS. Caroli I. Regis Siciliæ cap. 49. 50.
Balia, Quævis rerum administratio. Falco Beneventanus in Chron. :
Jurejurando firmavit, quod Comestabiliam, et Rectoraticum, aut aliquam Baliam publicam non acciperet, etc.
Tabularium Brivatense Ch. 28 :
Placuitque mihi, ut post obitum meum ille teneat in Balia, et annis singulis censum reddat, etc.
Charta ann. 1159. apud Joffredum in Nicea pag. 175 :
Omnes administrationes sive Balias, etc.
Charta Comitis de Homburg. ann. 1312. apud Corium in Hist. Mediol. parte 2 :
Dans nobis potestatem et Bailiam præcipiendi omnibus Imperii fidelibus, etc.
Joan. Villaneus lib. 1. cap. 25 :
Haveva passato il decreto fatto, che nullo dovesse stare in nulla Balia piu de cinque anni.
Le Roman de Guillaume au Courtnez, MS. :
Mes pour tel Dieu qui tot a en Baillie.
Vide Historiam Dalphin. tom. 1. pag. 140. et 141. in quibus voces Baillia et Ballia passim habentur eadem notione. Bailla in Charta ann. 1157. ex Archivo Castri Nannet.
les Bénédictins de St. Maur, 1733–1736.
Baylia, Bayllia, Eadem significatione. Hist. Dalphin. tom. 1. pag. 142. col. 1. de officiis feudalibus familiæ Abbatis S. Barnardi de Romanis :
Feudus Baylliæ debet, sicut dictum est, hominium et jurare fidelitatem et centum solidos de placito tempore mutationis, procurationem domus, id est, Abbatis suæ Romanis et totius terræ suæ facere tenetur, et ratiocinia et custodire terram suam... et hoc quod habet in Petrosis de Cappelleys, usque ad viam quæ tendit ad columbarium et in tribus mansis panem et potum et tres agnos cum pane et vino, et feudum quod Clemens tenet ab eo pro Baylia et servitium molendinorum.
Baliaticum, Idem quod Balia, nostris Baliage, Gardia, custodia. Charta Willelmi D. Montispessulani ann. 1103 :
Dono etiam ego Willelmus Baliaticum arquintalis, et tertium denarium in arquintali, et medallias, quas donant homines Montispessulani et Longobardi pro arquintali. Bayliwike,
Apud Littletonem sect. 248. Baliato, apud Matthæum Villaneum lib. 6. cap. 33.
Baliæ, Ballivæ, Officinarum in Monasteriis præfecturæ Monachis demandatæ, apud Innocent. III. PP. lib. 13. Epist. 55. Vide Probationes Hist. Drocensis pag. 237. Matthæus Paris pag. 110 :
Monachus Ballivam suam, si quam habet, amittat.
Idem alibi :
In qualibet Balliva, quas Obedientias dicimus, constituit.
[] Vide Marten. tom. 4. Anecd. col. 1209.
Balium, Idem quod Balia, Balium regni ; Hugo Falcandus de Siciliæ calamit. pag. 671 :
Reginam autem præcepit totius regni curam et administrationem (quæ vulgo Balium appellatur) tandiu gerere, dum puer ejus prudentiæ esset, quæ negociis provide disponendis sufficere putaretur.
Adde pag. 674. Hac notione occurrit lib. 2. Epistolar. Innocentii III. PP. pag. 484. 488. 494. Edit. Venetæ.
les Bénédictins de St. Maur, 1733–1736.
Bajulacus, f. pro Bajulatus, eadem notione. Charta ann. 1284. apud Rymer. tom. 2. pag. 278 :
Decere Majestatem vestram, quæ a summo Rege regni terreni tenet Bajulacum.
Balius, Gubernator, Balio, Italis. Joan. Villaneus lib. 1. cap. 19 :
Era Pipino sovrano Balio et Governatore di tutta Francia.
les Bénédictins de St. Maur, 1733–1736.
Bajulus, Eadem notione. Chron. Romualdi II. Archiep. Salernitani apud Murator. tom. 7. col. 199 :
Non multo post quum Imperator vellet in civitate Bajulum constituere, et eam pro suo arbitrio ordinare.
Bajulia, Tutela, protectio. Testamentum Ranimiri Regis Aragon. æræ 1099. apud Martinezium in Hist. Pinnatensi lib. 2. cap. 38 :
Et mitto illum (filium) et omnem meam terram, et meum honorem, et meos viros, quæ Deus mihi dedit, in Bajulia de Deo et de suis Sanctis, etc.
Infra :
Ut sint in Bayoliam Dei et de sancta Maria, etc.
apud Borellum :
Pieça fut morte, ou mal sortie,
Selle ne fut en ma Baillie.
les Bénédictins de St. Maur, 1733–1736.
Balliata, Tributi genus, f. illud quod ratione protectionis seu tutelæ exigitur. Antiquit. Benedict. Engolism. MSS. apud Stephanotium pag. 189 :
Litteræ Adhemari Engolismensis Comitis, quibus homines S. Ausonii... exemit ab omni Balliata, injusta exactione, exercitu, canis, ballivis, caseis et paleis.
Bajulatus, Locatio, conductio, datio ad firmam, Gall. Bail. Provinciale Ecclesiæ Cantuarensis lib. 3. tit. 9 :
Vel sub nomine Bajulatus Ecclesiæ ad firmam Laïcis conceduntur, etc.
Bajulatio, Gravamen. Charta Goffredi Comitis Conversani ann. 1105. apud Ughellum tom. 7. pag. 1072 :
Concedimus etiam, ut nemo ex hominibus ipsius Ecclesiæ.... constringatur ullo tempore ad faciendam Bajulationem, vel aliquam servitutem, etc.
Adde pag. 1081.
les Bénédictins de St. Maur, 1733–1736.
Bajulatio, Tributum, vectigal. quidquid ob merces extra regnum vel provinciam exportatas exigitur. Epistola Panormitanorum ad Martinum PP. IV. in Chron. Siciliæ apud Marten. tom. 3. Anecd. col. 36 :
Quoniam divitibus invitis faciebat dari officia secretiæ, mediocribus vero Bajulationis dohanas, certasque tabellas modicas, etc.
Confer Indices ad Pertzii vol. Scriptorum 3. et Legum 2. Raynouard. Gloss. Roman. pag. 169. 170. infra Ballium, sqq.
© École des chartes.