3. BALLUM, Nostrates appellant, inquit Argentræus ad art. 74. vet. Consuet. Brit.,

cum mortuo vassallo ac baillii lege feudum tenente, relicto herede ætate minori, dominus superioris feudi aperto serviente feudo fruitur, donec hæres justam viginti annorum ætatem impleverit

. Quod cum deinceps minus justum nimisque onerosum visum fuerit, pro jure rachati seu relevii commutavit Joannes dux Britanniæ ann. 1275. cujus Chartam legesis tom. 1. Probat. Hist. Brit. col. 1037. Charta Radulphi de Fogeriis ann. 1240. in Reg. N. Chartoph. reg. ch. 6 :

Item promisi ei (Ludovico regi Franc.) mille libras Turon. pro Ballo dictarum terrarum solvendas,... et rogavi dominum regem, quod si ipse inveniat per usus et consuetudines terræ, quod Ballum non pertineat ad ipsum, quod de dictis mille libris quictus remaneam ; et si dominus rex non inveniat, quod Ballum terræ pertineat ad eum, quictus ero de dictis mille libris.

Inventar. Chart. reg. ann. 1482. fol. 72 :

Littera sigillata pluribus sigillis baronum Andegaviæ et Cenomaniæ super declaratione consuetudinum, Ballorum et rachatorum Andegaviæ et Cenomaniæ. De anno 1246.

Et fol. 83. v° :

Transcriptum Simonis Cardinalis litterarum Ludovici regis super Ballo Atrebatensi et quictatione ejusdem.... De anno 1265.