BANAGIUM, Bannagium, Jus cogendi tenentes suos ad molendinum suum deferre sua frumenta molenda ; vel Præstatio, quæ ea ratione ab iis exigitur ; aut Districtus intra quem ejusmodi jurisdictio exerceri potest, nostris olim Banaige, Bannage et Bannerie. Charta inter probat. Hist. Sabol. pag. 333 :

Concessionem ipsam super altare Domini cum propria manu fecit, ut quidquid Banagii, minagii, vel cujuslibet consuetudinis sive redditionis, seu etiam cujuslibet forfacti inde exiret, totum in potestate et dominatione monachorum Vindocinensium, sine cujuslibet contradictione, existeret.

Charta Petri abbat. S. Quint. Bellovac. ann. 1338. in Reg. 71. Chartoph. reg. ch. 204 :

In quo molendino hospites nostri, circa numerum duodecim, commorantes apud Courcelles, jure Bannagii molere veniebant.

Lit. ann. 1371. tom. 5. Ordinat. reg. Franc. pag. 393 :

Ob hoc dicti exponentes, qui sunt liberi ab omni Bannagio ad dicta molendina, et liberum habent arbitrium eundi ad quæcunque molendina eis placet.

Pactum inter dom. Bretolii et monachos ejusd. loci :

Et si lidit religieux mettoient les mazures, qui sont franques, en villenage ; je, ne mi oir n'i poons demander ne reclamer ne Banerie, ni maunaige... Se aucune de ces anchienes mazures venoient asdits religieux,... ils ne les pueent baillier qu'elles ne demeurent en no Banaige.

Aliud inter abbatiss. de Moncello et habitat. villæ de Pompoing ann. 1364. in Reg. 96. ch. 75 :

Lesdiz habitans avoient délessié auxdites religieuses... touz les droiz, franchises, libertez, Bannages, forfaitures, etc.

Quo ultimo loco Mulctæ pecuniariæ intelligi possunt. Vide infra Bannaria et Bannum 1. 2. et 3.