BANDAIRAGIUM, Bandayragium, Jus agrum vel pascua sub banno tenendi, ita ut iis frui aliis non liceat, eorumque custodiam banderiis committendi facultas. Charta ann. 1332. in Reg. 66. Chartoph. reg. ch. 947 :

Item et super eo quod homines seu universitas de Trulharibus nituntur impedire universitatem et homines de Genestaribus in suo Bandairagio et usu depascendi cum suo bestiario.

Charta ann. 1352. in Reg. 81. ch. 448 :

Ipsi habeant Bandayragium et pasturagium territorii de Proliano. Bandayrament,

eadem notione, in Ch. Gallica ibid. :

Nous avons ottroyé aux habitans du chastel de Puysalicon le Bandayrament du terrior de Prolhain.

Pluries ibi. Vide infra Bandeiare 2. et Banderagium 1.