BARRÆ 11, Glossarium mediae et infimae latinitatis, Du Cange et al.

11. BARRÆ, præterea dicuntur Tributa quævis, præsertim quæ ad urbium et oppidorum Barras et portas præstantur. Charta ann. 1236. in Regesto Comitum Tolosæ fol. 51 :

Agros et condaminas, introitus et exitus, prata et pascua, nec non et Barras, et alberetas, et ramerios et devesios, et adempriva, et expletivos, etc.

Charta Geraldi Episcopi Cadurcensis ann. 1248. in Historia Episc. Cadurc. n. 104 :

Item contra voluntatem nostram super pontem Caturcensem quemdam soccum, et quamdam Barram posuerunt, in quo denarii, qui exacti erant a prætereuntibus per pontem prædictum, reponerentur.

Curia Generalis Catalaniæ in villa Montissoni ann. 1363 :

Eidem Barras, pedagia, vel alia nova vectigalia concessimus.

Barragium, Eadem notione, vulgo Barrage. Charta ann. 1309. in 2. Regesto Philippi Pulcri n. 85 :

Nec pedagium seu Barragium in honorio castri de castellaniæ de Burdelia solvere compellentur.

Charta Philippi Pulcri Franc. Regis ex Tabulario Regio ann. xiii :

Volumus præterea, quod omnia bona ad victum et vestitum dictarum sororum (sanctæ Claræ Ordinis Franciscani) pertinentia necnon alia earum propriis usibus deputata, sibique et familiæ suæ undecumque et per quamcumque partem regni nostri ad locum seu loca dicti monasterii devehantur, sint quita et libera ab omni teloneo, passagio, Barragio seu costuma, vel de novo editis, vel in posterum edendis, etc.

P. Carpentier, 1766.

◊ Lit. ann. 1368. tom. 5. Ordinat. reg. Franc. pag. 409 :

Quascunque imposiciones redibencias, leudas, peagia, Barragia, aut alia quæcunque debita subsidia, etc.

Aliæ ann. 1363. tom. 4. earumd. Ordinat. pag. 729 :

Nous.... avons donné et octroyé... un Barraige pour la sustentacion d'icelle chaucie ; c'est assavoir que oudit lieu de la chaucie ledit Barraige soit cueillis, levés et exploittiés sur les passans par la maniere accoustumée.

Sic etiam leg. loco Beirage ibid. tom. 3. pag. 364. Vide infra Barralagium.

Barragium, Barræ ipsæ. Chronicon incerti Auctoris editum a Catello, ann. 1226 :

Trepidantes de Barragio, si permitteretur per villam incedere multitudo, portas civitatis perclaudunt.

Cave ne legendum sit Banigium : quod vide suo loco.

Barrarius, Telonarius, qui tributa ad Barras exigit. Litteræ Philippi Augusti ann. 1207. pro Rotomagensibus in Normannicis Duchesnii :

Nullus civium Rothomagi debet accipere intersignia a Vicecomite ad Barrarium : sed affidet Barrario, quod consuetudinem non debet, si aliter ei crediderit, etc.

Alterum locum vide in Banniatores post Bannum. Usatica MSS. Vicecomitatus Aquæ Rotomagi :

Se aucun des Sergens de la Vicomté de l'Eauë et la garde des portes que l'en appelle Barrieres, prent aucun marchant qui s'en voit sans le commandement et le congé des Vicomtes de l'Eauë, etc.

Chart. Sanctii 1. Port. Regis ann. 1199 :

Venarii et Barrarii de Penamacor habeant unum forum, exceptis domibus regis et episcopi.

Vide S. Rosa de Viterbo voce Barrarios pag. 181.

les Bénédictins de St. Maur, 1733–1736.

Berrarius, Eadem notione, in Chartulario S. Vincentii Cenoman. cujus

locum videre potes in Banniatores post Bannum.

P. Carpentier, 1766.

◊ Nostris Barrier, qui repagulis urbium aperiendis et claudendis adest. Lit. remiss. ann. 1406. in Reg. 161. Chartoph. reg. ch. 112 :

Quant icelles barrieres de la ville furent ouvertes, le suppliant ala querir ses buefs,... auquel le Barrier ou portier dist que il estoit matin levé.

les Bénédictins de St. Maur, 1733–1736.

Barrarii, Idem, ut videtur, quod Barræ, Repagula, Cancelli. Madox Formulare Anglic. pag. 429. in Testamento Johannis de Nevill :

Et volo quod cista corporis mei cooperiatur cum panno laneo de russeto et una cruce rubea, et quod Barrarii circa corpus meum die sepulturæ meæ ordinentur de eadem setta.

Et paulo post :

Cooperiatur de russeto secta (setta) cistæ et Barrariorum.

Barrare, Barroyer, apud Butilerium lib. 1. tit. 34. Statutum Henrici VI. Regis Angl. ann. 33. cap. 2. apud Will. Stanford. lib. 2. de Placit. Coronæ cap. 27 :

Non essent Barratæ, neque inhabilitatæ ad prosequendum quamcumque actionem, etc.

Rymer. tom. xi. pag. 339. col. B :

Exhæreditatus, exclusus, neque Barratus existit, neque existet. Barroyer,

inquit V. Cl. de Lauriere in Gloss. Gallici Juris, idem mihi videtur quod debatre, contester, disceptare, litigare, et Baroyemens, quod Contestations, debats, Contentiones, litigia, disceptationes ; quam in rem adducit hunc Summæ Ruralis locum :

Aprés declinatoires et dilatoires sur ce mises en œuvres, s'aucune en peut avoir qui vaille, doit estre demande faite sur ce, et commission ramenée a fait avoir par escrit, et en libelle la demande à certain jour, et ce appelle-on libelle... et doit estre ainsi demandé par plusieurs raisons ; l'une est que difficile chose est de faire, et former tel demande par escrit, comme dit est, et pour ce souvent on y trouve avantage à fort Barroyer la matiere. L'autre raison si est qu'au jour rapporté est le libelle, encore peut avoir autre jour d'avis sur le libelle ; encore sur ce jour au retourner si rien ne trouve à Barroyer au libelle, et qu'il contienne tout ce qu'il doit contenir, si peut le demandeur demander jour de veue du lieu, qui est aussi estroite et difficile chose, et precise à faire, si comme si après diray. Aprés jour de veue si rien n'y peut estre Barroyé ; peut encore le defendeur demander garand, qui est aussi chose moult difficile, là où il appartient moult de induces et moult de Barroyemens, et peut de rechef avoir veue lieu, etc.

Vide Barræ 4, Exceptiones.

P. Carpentier, 1766.

◊ Barrer, in Consil. Petri de Fontan. cap. 15. art. 69 :

Barrer peut on selonc le loi, quant aucunes coses sunt vendues par force, et on les calenge après, kant li acaterres veut ke li venderres li warandisse.

Barreria, Barrera, Idem quod Barra, Gallis, Barriere, repagulum, transversarium lignum inter duo alia arrectaria et extantia positum ; Græcis βαλϐίς. Chronic. incerti Auctoris apud Catellum ann. 1217 :

Aggressionibus et discursibus qui fiebant circa villam (quos et cives impediebant Barreriis et fossatis) adversarios infestabat.

Pro Barreriis Muratorius tom. 3. pag. 568. col. 2. B. legit Bareriis. Adde Guill. de Podiolaurentii cap. 30.

P. Carpentier, 1766.

◊ Comput. ann. 1334. inter Probat. tom. 2. Hist. Nem. pag. 85. col. 1 :

Item custodibus xviij. Barreriarum dedi ipsa die vj. sol. viij. den... Item decem servientibus, qui decem Barrerias custodierant, etc.

Barrera, Eadem notione, apud Will. Thorn. ann. 1285.