2. BARRAGIUM, Jus mensuræ, ad quam exiguntur dolia vinaria, quæ Barralia nuncupabantur, unde vocis origo ; simul et Præstatio, quæ ea ratione domino feudali pensitabatur ; nostris etiam Barrage, idem proinde quod Jalagium. Vide in Galo. Charta ann. 1150. ex Tabul. Major. monast. :

Omnes consuetudines in burgo S. Martini de la valle,... a quolibet mercatore indigena vel extraneo, quocumque modo factas, præter Barragium, ubicumque mercator jaceat,... concessit.

Arest. ann. 1372. ex Tabul. S. Joan. Laudun. :

Inhibuerant etiam ne quis in terminis dictæ pacis vasa vinum continentia, quod ibidem vendebatur, absque eorum licentia barrare, aut ad ducendum extra dictam pacem parare seu fortificare, vel supra currus sive quadrigas onerare præsumeret : sed emolumentum Barragii et oneragii hujusmodi, in qualibet villarum prædictarum, singulis annis vendiderant et vendebant... Barragia et oneragia vinorum anno quolibet vendita vel ad firmam tradita, etc. Officium Barragii et vergaii vinorum,

in Memor. D. Cam. Comput. Paris. fol. 57. v°. Charta ann. 1306. ex Lib. rub. ejusd. Cam. fol. 304. r°. col. 2 :

Item nous li baillons et asseons les Barrages, qui sont prisiez à douze muys et trois jalois de vin.

Vide Barrale 1. Extat alia notione in Barra.