BATITORES, Glossarium mediae et infimae latinitatis, Du Cange et al.

« Batitores clericorum » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 604c. http://ducange.enc.sorbonne.fr/BATITORES

BATITORES Clericorum, Ita se nuncupabant quidam facinorosi homines, qui Clericos cum obvios haberent verberabant. Arrestum contra Archiep. Lugdun. ann. 1333. tom. 2. Ordinat. Reg. Franc. inter Notas pag. 103 :

Quod cum pridem ex parte defuncti Petri tunc Archiep. Lugdunensis requisitus fuisset, quod cum in suo Comitatu, sive terra, quidam publici malefactores habitarent, nullas tamen personas eidem nominando, qui Batitores et Correctores Cappellanorum et Clericorum literarum curiæ Ecclesiæ Lugdunensis portitorum, se faciebant nuncupari, qui etiam per mercatos, villas et itinera publica Comitatus prædicti, armati publice incedentes, dictos Clericos, Cappella nos, ac etiam portitores Ecclesiasticarum literarum inhumaniter verberabant.

Vide Battere.

P. Carpentier, 1766.

◊ Bateurs à loyer, qui operam suam ad alterius inimicum verberandum locant, in Lit. remiss. ann. 1396. ex Reg. 149. Chartoph. reg. ch. 240 :

Ledit Estienne accompaigné de quatre autres compaignons Bateurs à loger.