BAYETA, Glossarium mediae et infimae latinitatis, Du Cange et al.

« Bayeta » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 611b. http://ducange.enc.sorbonne.fr/BAYETA

BAYETA, Speculator, Custos, Excubitor, a veteri Gallico, quod etiamnum Picardis familiare est, Bayer. Aspicere. Hist. Dalphin. tom. 2. pag. 415. col. 1. ex Charta ann. 1340 :

Ut autem in dicto officio de salario et custodia dicti castri sit opportune provisum, constituimus vobis salarium pro persona vestra viginti quinque solidos grossos, et triginta solidos grossos pro duobus clientibus una gayeta et Bayeta per annum.

Ejusd. Hist. tom. 1. pag. 66. col. 2. ex Charta ann. 1347 :

Interrogatus fuit quam familiam ipse tenebat, dixit quod unum scutifferum, unum clientem, unam gaytam, et unam Bayetam.

Computa Vienn. in Delphin. ann. 1318 :

Item, pro expensis unius Bayetæ et unius clientis spatio novem hebdomadarum ad custodiendum castrum c. solidos.

Occurrit ibidem ad ann. 1322. et in aliis pluribus Instrumentis, ubi fere semper conjungitur cum Gayta vel Gayeta, a quo vix differre videtur. Vide Wactæ.

P. Carpentier, 1766.

◊ Abaiete, eadem notione, in Reg. B. Cam. Comput. Paris. fol. 171. ad ann. 1343 :

A Mortaingne n'est ordené que le chastellain et v. hommes d'armes, xxv. arbalestriers, iij. portiers, et j. gaite et j. Abaiete.

Et fol. 171. v°. :

j. Abaiete, et j. gaite, et j. artilleur.

Ubi Abaiete a Gaite distinguitur, forte ille edito clamore rem significandam nuntiet, a vet. Gall. Abai et Abaier, pro Abboy et Abboyer, clamor, clamare ; hic vero alia ratione, puta campanæ tinnitu.