BEATÆ, Mulieres in Hispania præ cæteris religiosæ, quales fere sunt Beguinæ in Flandria. Concil. Hispan. tom. 4. pag. 352. col. 2. ex Concilio Mexicano :

Ne sub devotionis specie prædictæ mulieres licentiose huc illucque vagantes discurrant, et ob similitudinem habitus sanctimonialibus ignominiam inferant ; statuit ac præcepit sub pœna excommunicationis latæ sententiæ, ut nulla prædictarum mulierum, quas Beatas vocant, habitum alicujus religionis approbatæ deferat.

Ibidem ex Concilio Toletano anni 1582 :

Synodus eam (Constitutionem Pii V.) in iis etiam mulieribus observari mandat, quæ per totam hanc provinciam cum Beatæ vocentur, in Congregatione et sub obedientia vivunt.