« »
 
[]« Bederipes » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 616b. http://ducange.enc.sorbonne.fr/BEDERIPES
BEDERIPES, Bedrepium, Bedrepe, Bedrif, Precaria seu servitium quod domino suo tenentes præstare debent in rebus ad agros pertinentibus, ut in demetendis messibus, secandis fœnis, etc. a Saxonico Biddan, Rogare, precari, et Rippan. Falcare, metere ; Anglis Bederone vel Bidrepe. Kennett. in Glossario ad calcem Antiquit. Ambrosden. : Tenentes de Ewel debent venire in autumpno ad precariam, quæ vocatur a la Bedripe. Ibidem ex Placito 10. Henr. III :
Ernaldus carrectator tenet unum messuagium et duas acras terræ in duobus campis, et reddit per annum duos solidos et alias consuetudines ad Bedrepium in autumpno.
les Bénédictins de St. Maur, 1733–1736.
Bederipes, Eadem significatione. Chartularium SS. Trinitatis Cadomensis fol. 46. verso :
Halwardus 12. den. pro 2. acris cum suis Bederipes et aliis servitiis.
Ibidem fol. 48. recto :
Bederipes et denarios pro pasciis.
Eodem fol. verso :
Et super hæc Bederipes et wifirip et summeare quaque hebdommada.
Repetitur ibidem fol. 55. recto et verso, et fol. 60. recto.
les Bénédictins de St. Maur, 1733–1736.
Wedbedripa, Wedbedrip, Ejusdem quidem notionis, sed originationis forsitan partim diversæ, scil. a Weddian Saxonice, Pascici, ita ut Wedbedripa sit quasi Pactum seu conventio dominum inter et tenentem, de falcandis fœnis, metendis messibus, etc. Kennett. Antiquit. Ambrosden. pag. 402. ex Terrario ann. 1325 :
Alicia quæ fuit uxor Ricardi le Grey coterelli et nativi dominæ tenet unum messuagium, duas acros terræ et dimidiam ocram prati, et faciet unum sarculaturam et unum Wedbedripam et levationem fœni, etc.
Ibid. pag. 401. lin. 7 :
Redditus et servitia Custumariorum. Robertus filius Nicholai Germeyn tenet unum messuagium et dimidiam virgatam terræ et bondagio ad voluntatem dominæ, et debet unam arruram in yeme, et unam sarculaturam, et debet unam Wedbedrip pro voluntate dominæ ; et habebit unum [] repastum, et debet unam falcaturam per dimidiam diem.
© École des chartes.