« »
 
[]« 2 benedictiones » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 628a. http://ducange.enc.sorbonne.fr/BENEDICTIO2
2. BENEDICTIONES, Eulogiæ, munera, Gen. cap. 33. 11. maxime ea xenia, quæ a Sacerdotibus et Clericis mitti solebant, ab iis benedictione sua sanctificata. Eulogiarum Benedictiones, apud Desiderium Episcopum Cadurcensem tom. 1. Hist. Franc. pag. 875. Petrus Damiani lib. 2. Epist. 14. de Presbytero :
Nunquam Benedictionem mulierculæ, vel ex his quæ detulerat, porrigebat.
Lib. 5. Epist. 19. de vino a quodam Anachoreta consecrato :
A maximis et venerabilibus viris pro Benedictione expectabatur.
Lib. 6. Epist. 31 :
Donum pro Benedictione transmitte.
Ordericus Vitalis, lib. 5. pag. 580 :
Pro quo eulogias Benedictionis 30. marcos argenti... erogavit.
Ita et lib. 5. pag. 611. Utuntur præterea S. Hieronymus, Epist. 132. S. Gregorius lib. 2. Epist. 33. 47. lib. 7. Epist. 34. 54. 128. lib. 2. Dialog. cap. 31. Avitus Viennens. Epist. 65. S. Fulgentius Epist. 5. Liber Epistolarum S. Bonifacii Archiepiscopi Mogunt. Epist. 103. 146. 148. 149. etc. Marbodus in vita S. Roberti Abbatis Casæ Dei num. 13. Lib. 1. Miraculorum S. Richarii cap. 4. Gregorius Turonens. lib. 8. cap. 7. Diurnus Romanus cap. 5. tit. 12. Codex Carolinus Epist. 15. Leo IV. PP. Epist. ad Episcop. Britan. cap. 3. Adventius Metensis Episcop. apud Baron. ann. 865. num. 59. Sulpitius Sever. Dial. 2. de S. Martino, Monachus Sangal. lib. 1. cap. 13. Vide Eulogia, et Gloss. med, Græc. col. 446. et Append. col. 75.
Benedictiuncula, Eadem notione, apud Hincmarum tom. 2. pag. 825.
Benedictiones Orationum, εὐλογίαι τῶν ἐυχῶν, apud Anonymum Combefisianum in Romano Lacapeno num. 27. Vide Gloss. med. Græcit.
Benedictio Panis ac Vini. Vita Ludovici Pii ann. 816 :
Et benedictione Panis ac Vini simul (cum PP. Stephano) participata Imperator ad civitatem rediit.
Hist. Translat. S. Gregorii Gorgonii cap. 21. inter Acta SS. Bened. sæc. 3. parte 2. pag. 215. :
Mox enim ut Benedictio missa est, panis videlicet, casei ac vini, [] confestim sumpto cibo,... in pristinum robur convaluit.
Adhelelmus Sagiensis de Miracul. S. Opportunæ cap. 5 :
Sumptoque Benedictionis pane ad hospitium perrexit.
Vide Concil. Regiense ann. 439. can. 4. Vita ant. S. Galli ap. Pertz. vol. Script. 2. pag. 11 :
Qui panes azymos et lagunculam vini oleumve et butyrum cum melle et piscibus assis pro Benedictione ei obtulit.
Benedictio in Auro, Munus in pecunia numerata erogatum, Roga. Anastasius in Conone PP.
Hic dimisit omni Clero et Monasteriis Benedictionem in auro, sicuti prædecessor ejus Benedictus PP.
Idem in Benedicto II :
Hic dimisit omni Clero, Monasteriis, Diaconiæ, et mansionariis auri libras triginta.
Eadem notione, εὐλογίαι χρυσαῖ, apud Theophanem anno 40. Theodosii junioris.
© École des chartes.