1. BERNA. Vox Bohemica, Tributum, collatio publica. Chronicon Aulæ Regiæ cap. 27 :

Generalem steuram, quæ Berna dicitur, ab omnibus accepit.

Æneas Silv. in Hist. Bohem. cap. 58 :

Nisi populares in sumptus regios pecuniam conferant, quam vocant Bernam, aut rapere unde vivat Regem oportet.

Ludewig. Reliq. MSS. tom. 1. pag. 509. in Privilegio Monasterii Dobrilucensis indulto a Matthia Rege Bohemiæ et Hungariæ :

Ab omnibus Stewris, exactionibus, collectis, precariis, Bernis... eximere dignaremur.

Et tom. 6. pag. 392. ex Charta Boleonis Ducis Silesiæ pro cœnobio Grissoviensi ann. 1367 :

Censibus, redditibus, solucionibus, contributionibus speciali nomine et Berna, precariis, etc.

Et pag. 393 :

Perpetuis temporibus possidendam, omnibus serviciis, gravaminibus, stationibus, Bernis, angariis et parangariis. Bern,

Armoricanis Collectio, cumulus præsertim tritici. Vox Germanica a Bæren, Portare, ferre. Apud Mencken. Scriptor. tom. 1. pag. 659. est Contignatio superior. Adde Glossar. Haltaus. col. 103. Adel. Post exempla plurima hæc apud Haltausium : Sunt qui origine Bohemicum esse autumant. Sunt qui ex invidia plebis, quæ cuilibet exactioni obmurmurat, ursum (Germ. Bær), murmurantem, appellatum existimant. Sed recte æstimantibus Germanica videtur esse origo vocis, a Bæren, bœren, upbœren, Levare reditus, ut coincidat cum Orbar, Urbar.