BERTAVELLUS, Bertavelus, Instrumentum piscatorium, nassa, Ital. Bertavello. Charta Bonæ princip. Sabaud. ann. 1424. inter Stat. Perus. pag. 31 :

Eis licitum sit die noctuque, ac libere et impune piscari et piscari facere ad rette, navissam, ..... Bertavellos, etc.

Stat. Vercell. lib. 3. pag. 75. r° :

Quod non debeant (pisces) vendi in baccis, Bertavellis, etc.

Stat. Pallav. lib. 2. cap. 70. pag. 129 :

Quod nulla persona terrigena vel forensis audeat..... piscari, vel piscari facere in fossis..... cum retibus, Bertavelis, nassis, etc.

Haud scio an idem sit instrumentum, quod Berroiche appellatur, in Ch. Phil. Pulc. ann. 1289. inter Consuet. MSS. S. Genovefæ fol. 35. v°. et Bourroiche, in Stat. ballivi Senon. ann. 1327. ex Reg. 65. Chartoph. reg. ch. 69 :

Item li courgnon des clices, que l'en dit Bourroiche, ne corra point en nulles saisons.

Atque ita leg. tom. 2. Ordinat. reg. Franc. pag. 12. art. 3. uti emendatum est tom. 6. earumd. Ordinat. pag. 398. non autem Bourrache, ut editum est, ibid. tom. 1. pag. 794. vel Burache, in Reg. B. 2. Cam. Comput. Paris. fol. 32. r°. Boueresche et Bouresche, eadem notione, sed minus bene, occurrit, in Stat. ann. 1388. tom. 7. earumd. Ordinat. pag. 779. art. 47. et in alio ann. 1402. tom. 8. pag. 536. art. 72. Quod a Borroche, quæ cistæ species est, ita dictum videtur. Lit. remiss. ann. 1415. in Reg. 169. ch. 33 :

Une Borroche de jonc plaine de poupées de lin, et du lin filé.

Aliæ ann. 1459. ex Reg. 188. ch. 177 :

Le suppliant print une plaine Borroche de prunes, laquelle il getta à l'encontre de son frere.